Pamainan Sambang Asin

Sambang asin adolah pamainan tradisional nan dimainkan di ateh lapangan kotak-kotak atau sagi ampek, jo satiok barih dijago dek panjago. Nan nio masuak harus malintehan garih, jikok ado panjago nan manyantuahnyo, inyo harus batuka peran. Pamainan iko sangaik mahibur bagi anak-anak sarato acok dimasuakkan dalam lomba-lomba tradisional acara iraw adat, basamo jo pamainan tradisional lainnyo.

Jumlah pamain

Sambang Asin adolah pamainan nan dimainan bakalompok-kalompok. Pamain di Sambang Asin tabagi manjadi duo kalompok. Ciek kalompok batindak sabagai pambela benteng, nan lain sabagai panyarang. Biasonyo, sabuah kalompok tadiri dari anam atau lapan urang pamain. Para pambela harus mampatahankan bentengnyo supayo indak diserang atau dimasuki dek pihak musuah

Jalannyo pamainan

Pasiapan

1. Sabalun bamain, pamain harus talabiah dahulu managakkan garih atau bateh untuak benteng. Garih ko bisa dibuek jo manggunoan tali. Garih ko sarupo jo lapangan bulutangkis, kacuali indak ado garih ganda dalam sambang asin.
2. Bagi pamain manjadi duo tim, masiang-masiang tadiri dari 6-8 pamain (opsional, tagantuang jumlah pamain). Satu tim baparan sabagai "Pangawal Benteng" jo nan lain sabagai "Panyarang Benteng," nan mancubo manyarang benteng.
3. Sasudah tim-tim tu tabantuak, langkah salanjuiknyo adolah manantukan bateh skor. Misalnyo 20 poin. Sakali luluih malalui tim panjago mandapekkan 1 poin, sahinggo satiok tim harus mangumpuakan poin sabanyak mungkin. Pastikan sanak dalam kondisi fisik nan elok.

Aturan pamainan

1. Pamain dibagi manjadi duo tim, masiang-masiang tadiri dari 6-8 urang (opsional tagantuang jumlah peserta).
2. Tugas tim "Pangawal Benteng" adolah untuak managah tim "lawan" manyubarang atau sampai ka garih finish.
3. Tim lawan harus bagerak manuju garih finish tanpa disantuah dek tim "panjago" jo dapek masuak ka garih finish jikok indak ado anggota tim lawan nan masih ado di area start.
4. Tim lawan dinyatoan sabagai pamanang jikok salah surang anggotanyo babaliak jo aman ka garih start atau indak tasentuh dek "panjago."
5. Tim lawan dinyatoan kalah jikok "panjago" manyantuah salah surang anggotanyo atau maninggaan garih bateh nan ditantuan. Dalam hal iko, lokasi tim-tim tu diubah.

Caro bamain

1. Tim nan bamain "Pangawal Benteng" harus manjago lapangan sapanjang garih horizontal jo vertikal. "Pangawal Benteng" harus managah tim lawan masuak ka garih pambateh. Pado wakatu nan samo, garih vertikal "Pangawal Benteng" batangguang jawab untuak manjago saluruah garih bateh vertikal nan talatak di tangah lapangan.
2. Kamudian, tim lawan harus bagerak untuak mancubo malintasi garih bateh dari awal sampai salasai. Kalau salamo patandiangan sabuah tim Panjago tatangkok jo bentengnyo dilanggar, itu dianggap rugi jo tim nan manyarang akan mandapekkan poin.
3. Sabaliaknyo, jikok salamo patandiangan tim nan manyarang disentuh katiko mancubo masuak ka benteng, itu dianggap kalah jo patandiangan harus baputa. Hal iko balanjuik sampai bateh nilai nan ditantukan tacapai.