Pamainan Perahu Jong

Apo itu pamainan perahu jong?

Pamainan tradisional perahu jong adolah salah satu pamainan tradisional nan tadapek di Kapulauan Riau. Umumnyo dimainkan di satiok wilayah Kapulauan Riau, tamasuak Kabupaten Bintan. Biduak jong adolah versi mini dari biduak layar. Indak diarahkan dek manusia tapi malah dipandu dek angin. Biasonyo dimainkan dek remaja dalam kalompok ampek inggo limo urang.

Pakakeh nan digunoan dalam pamainan

Paralatan nan diparaluan adolah biduak ketek nan tabuek dari kayu pulau atau kau mentangoh.

Caro bamain

Parahu Jong adolah pamainan sampan miniatur nan bagantuang pado arah angin. Biasonyo, pamain jong sampan malatakkan sampannyo di tapi lauik dan kamudian mambiaan angin mambaoknyo kalua ka lauik. Satiok sampan harus dilangkoki jo stabilizer untuak mamastian garak lancar jo managah tabaliak. Pajalanan jong sampan dirancang sacaro luruih, dan sampan partamo nan mancapai garih finish nan ditantuan dinyatoan sabagai pamanang.

Wakatu pamainan

Pamainan iko dapek dimainkan pado wakatu pagi, sore, jo patang dan juo tagantuang pado cuaco jo arah angin pado wakatu itu.

Tampek pamainan

Pamainan parahu jong ko dimainkan di daerah pasisia atau di pantai nan ditantuan sarupo pantai wisata.

Manfaat

Pamainan parahu jong kini alah manjadi kompetisi populer pado festival budayo di Kapulauan Riau, manarik wisatawan ka daerah tasabuik. Sabalunnyo, pamainan ko bafungsi sabagai bantuak hiburan bagi nelayan sasudah pulang dari malauik.