Pamainan Nganjur

Apo itu pamainan Nganjur?

Nganjur adolah namo jinih pamainan di Provinsi Bengkulu, nan aratinyo adu ayam jo caro mancari ayam nan alah lapeh dari kampuang-kampuang.

Peserta pamainan

indak ado jumlah nan dibatehan namun biasonyo bisa dimainkan dek 1-6 urang pamain kalau makin banyak akan dibagi kalompoknyo. Umua pamain dalam pamainan ko bakisar dari 8 inggo 30 taun, dan dimainkan hanyo dek laki-laki.

Pakakeh pamainan

satiok pamain harus punyo saikua ayam jantan/ayam jago nan diyakini akan bisa diajak bamain Nganjur ko.

Aturan pamainan

1. Ayam-ayam nan ditawan tu dipotong pialnyo di puncak kapalo dan pial nan labiah bawah. Hal iko untuak mencegah lawan bapacik disinan.
2. Ayam nan baru sajo dipotong pialnyo harus dipaliharo dalam kondisi nan stabil dan alun buliah bacakak. Sasudah pial tu cegak, ayam tu dibaok ka Nganjur dan dijodohkan jo lawan.
3. Sabulan duo bulan sabalun manjalankan pamainan, inyo manyiapkan ayam nan alah dipotong pialnyo. Dan lokasinyo untuak bamain.
4. Sabalun bajalan ka tampek nan dituju, masiang-masiang alah mambaok ayam kasayangannyo. Di tampek itu, mereka labiah dahulu mamaliharo/manggadang atau bamain jo ayamnyo, nan biasonyo disabuik buang angito atau sekedar angek-angek.

Caro bamain

1. sadoalah pamain bakumpua ditampek nan ditantuan
2. misal kalau nan bamain 5 urang brarti ado 5 ikua ayam pulo untuak dilaga, dan ditampek pamainan selain ado peserta ado pulo panonton yang akan maikuikan .
3. kalau alah takumpua sadonyo mako urang urang nan sato bamain akan bakaliliang kampuang atau tampek nan alah ditantuan untuak mancari ayam jago nan dilapehan dek pataranak ayam kampuang tu untuak dilaga jo ayam punyo peserta sacaro bagantian, kalau ayam nan lapeh tu kalah mako dicari atau diganti ayam nan lain.
4. Ayam nan kalah tu namonyo cundang. Panonton atau peserta lain akan mancimeehan nan punyo ayam nan kalah. Dek karano itu, katiko mamiliah ayam, dianjurkan untuak mamiliah nan lincah dalam balaga
5. Kalau indak ado lai cakak antaro ayam nan lapeh jo nan dibaoknyo, mako inyo malanjuikan pajalanannyo mancari ayam nan lain. Kalau basobok jo ayam jantan lain, inyo juo malawannyo sarupo tadi.
6. Baitulah permainan barikuiknyo dan mereka mancatat atau maingek bara kali ayam mereka kalah. Untuak ayam nan paliang banyak rugi, ayam tu banamo cundang. Cundang ko untuak mancimeeh ayam nan kalah. Sadangkan panggilan untuak ayam nan indak kalah adolah penyurit. Penyurit adolah panggilan penghargaan untuak ayam nan cemerlang dalam balaga.
7. Kalau lah banyak ayam jantan di kampuang, inyo akan main lamo-lamo, dan inyo akan maraso labiah pueh dan sanang.
8. Kalau indak ado lai ayam jantan untuak malawan nan punyo, sadonyo peserta jo panonton akan babaliak ka lokasi asli atau ka kampuangnyo. Wakatu itu, nan punyo ayam jantan nan manang akan sanang dan girang. Namun, nan punyo ayam jantan nan kalah tu akan suram dan kecewa. Indak heran kalau inyo mungkin mampatimbangkan untuak mangganti ayam jantannyo jo nan lain.