Pamainan Nandong

Apo itu pamainan nandong?

Nandong adolah pamainan pantun nan digunoan untuak manyampaian parasaan jo carito. Pamainan iko biasonyo dimainkan pado acara baralek, dari malam sampai subuah, untuak manjago anak daro jo marapulai sanang jo managah sadiah. Nandong dinikmati dek sadoalah urang, dari anak-anak sampai urang gadang, karano alah manjadi bagian dari masyarakaik Simeulue. Sadonyo santiang bapantun dan bisa saliang mananggapi sacaro capek. Sampai kini, pamainan ko tatap populer dan taruih dilestarikan.

Caro bamain

Biasonyo dimainkan pado acara baralek. Pamainan dimulai jo nyanyian nan lambuik jo suaro nan lambuik. Sasudah tu, gandang ditokok, urang-urang tu mulai bapantun sampai subuah. Pantun nan acok dipakai adolah pantun tanyo jawek, pantun pajalanan, jo pantun buruang. Inyo biasonyo barisi pituah, parasaan, jo kisah cinto.

Contoh pantun nasihaik:

Pantun:

Elok-elok bakaen panjang

Tido samo bakaen sarung

Elok-elok dirantau urang

Tido samo ibu mangandong

Aratinyo:

Elok-elok bakain panjang

indak samo jo kain saruang

Elok-elok iduik di nagari urang.

Indak samo bantuak iduik jo amak nan manganduang.

Jawaban pantun:

Pantun:

Tau kami bakaen panjang

Saraso bakaen sarung

Tau kami dirantau urang

Saraso ibu mengandong

Artinyo:

Tau kami bakain panjang

sarupo mamakai saruang

Tau kami dirantau urang

bantuak jo amak nan manganduang

Jadi, nandong adolah pamainan pantunn nan panuah jo pituah, sarato mambuek suasana baralek sumarak jo bahagia. Sacaro umum, Nandong alah ado sajak lamo, sahinggo arek namonyo dalam masyarakaik satampek. Nandong adolah budayo tradisional Sinabang (Simeulue), sainggo banyak urang nan mambanggakan jo manikmati pamainan ko.