Pamainan Meurimueng - rimueng

Apo itu pamainan meurimueng-rimueng?

Meurimueng-rimueng aratinyo permainan harimau-harimau dalam bahaso Indonesia. Pamainan iko disabuik juo meurimueng-rimueng kameng karano malibaikkan duo kalompok binatang, iyolah harimau jo kambiang. Harimau mancubo manangkok kambiang, sadangkan kambiang mancubo untuak indak kanai sarang dek harimau.

Namo pamainan ikopun babeda-beda tagantuang caro dimainkannyo. Kalau dimainkan tagak, disabuik meurimueng-rimueng atau meurimueng-rimueng kameng. Kalau dimainkan sambia duduak, namonyo meurimueng-rimueng duk.

Palaku pamainan

Meurimueng-rimueng adolah pamainan nan sangaik disukoi anak-anak. Pamainan ko dimainkan dek kalompok anak-anak, baiak nan laki-laki maupun nan padusi. Dalam pamainan iko ado anak-anak nan bamain manjadi kambiang dan ado pulo nan bamain manajdi harimau (dalam bahaso Aceh, disabuik rimueng), nan karajonyo mangaja kambiang-kambiang tu.

Caro bamainnyo

satalah pamainan iko dibagi manjadi tigo kalompok, pamaian pun dimulai. satiok pamain punyo tugas masiang-masiang. anak kambiang (anak kameng) elok surang ataupun limo urang, barado di tangah lingkaran. samantaro itu, rimueng (harimau) barado dilua lingkaran. kalompok kabiang tuo atau kalompok katigo mambantuak lingkaran jo saliang bapegangan tangan di bawah pimpinan nan dianggap paliang tuo. tugas mereko adolah malinduangi anak kambiang di tangah dari serangan harimau.

Sasudah sado pamain siap, pamainan dimulai. Indak ado wasit, karano pamainan iko hanyo untuak basanang-sanang. Harimau mancubo manangkok anak ketek di tangah lingkaran. Kambiang-kambiang nan lah gadang baganggam tangan, mambantuak lingkaran untuak malinduangi anak kambiang tu. Harimau bakaliaran, mancari pambukaan. Kalau harimau tu berhasil masuak dan manyantuah anak ketek tu, mako lah kalua dari permainan. Kalau harimau gagal dan takuruang di dalam lingkaran dan manyarah, permainan salasai dan bisa dimulai baliak.