Pamainan Meu Heueb
Meu heueb adolah pamainan tradisional urang Aceh nan dimainkan di dalam aia, sarupo sungai atau tabek. Pamainan ko sarupo jo lomba manyalam jo baranang. Namo "meu heueb" barasa dari kato "heueb," nan disabuik pamain katiko manyalam mangaja kawan.
Sijarah
[suntiang | suntiang sumber]Pamainan meu heueb barasa dari kabiasoan urang Aceh yaitu mandi jo baranang di sungai atau tabek. Pamainan iko acok dimainkan dek patani karano acok mandi basamo pagi, siang atau sanjo. Di kampuang-kampuang Aceh biasonyo ado kolam dakek meunasah atau musajik nan digunoan untuak mandi jo malakuan wuduak. Dari mandi basamo ko, muncualah pamainan meu heueb, nan batujuan untuak latihan baranang jo manyalam. Pamainan iko disukoi dek anak-anak jo urang gadang karano sero dan bisa dimainkan basamo-samo.
Palaku pamainan
[suntiang | suntiang sumber]Meu Heueb dapek dimainkan dek anak-anak jo urang gadang, baiak anak laki-laki maupun anak padusi. Namun, pamain harus bamain jo urang nan samo jinih kalamin jo umua.
Paralatan pamainan
[suntiang | suntiang sumber]Pamainan ko indak paralu paralatan apo-apo. Nan diparalukan hanyolah sungai atau tabek jo pamain nan bisa baranang jo manyalam jo baiak untuak keselamatan. Pamainan ko juo indak mamakai musik atau iringan apopun.
Aturan bamain
[suntiang | suntiang sumber]Pamain nan mangaja harus manyalam, sadangkan urang nan dikaja dapek baranang di ateh pamukoan atau manyalam basamo inyo. Pamainan ko dimainkan sacaro surang-surang jo malatiah kabaranian jo kaahlian baranang. dapek dimainkan bil o sajo, karano itu adolah bantuak baranang. Biasonyo dimainkan pagi atau sanjo, batapekan jo wakatu mandi di sungai atau tabek. Anak-anak acok bamain pagi atau sanjo, samantaro urang gadang dapek pulo bamain sambia mandi sasudah karajo. Pamainan ko indak takaik jo upacara tatantu, tapi labiah untuak basanang-sanang jo untuak malatiah kaahlian baranang jo manyalam.
Caro bamain
[suntiang | suntiang sumber]Meu Heueb dimainkan di tabek atau sungai dek paliang indak duo urang. ciek urang nan mancari, sadangkan nan surang lai manyuruak di aia. Sabalun main, sado pamain baranang basamo-samo untuak maangek-an badan. Nan mancari harus manyalam untuak manangkok pasangannyo, kamudian basorak "heueb" katiko inyo mamulai pancariannyo. Siapo sajo nan tatangkok harus jujur mangaku dan maambiak aliah sabagai pancari. Pamainan ko maajaan kajujuran, kaolahragaan, jo kaahlian baranang jo manyalam.