Pamainan Lompek Kodok

Apo itu pamainan lompek kodok?

Pamainan lompek kodok marupoan pamainan tradisional nan indak tarikek jo peristiwa sosial tatantu dan didalamnyo indak ado unsur-unsur religius/magis. karano pamainan iko pamainan untuak maisi wakatu senggang sabagai sarano hiburan. Pamainan iko ado dari jaman dulu dan dimainkan hinggo kini. Pamain tadiri dari anak-anak padusi baumua 6 sampai 12 tahun, indak manutuik kamungkinan anak laki-laki turuik bamain. jumlah pamainnyo ado agak 6 urang anak padusi.

Pakakeh nan digunoan untuak bamain

Tiok pamain manyadiokan pacahan kaco yang balain bantuak atau warna, atau manggunoan pitih koin balando yang tabuek dari tambago, dan mambuek gambar ditanah atau disemen. dan pamainan iko indak ado diiriangan dek musik dan bunyi-bunyian lainnyo.

Paraturan dan caro bamain

Sabalum pamainan dimulai

1. Malompek jo kaki sabalah satiok kotak :

misalnyo ado pamain 4 urang, suit untuak manantukan giliran pemain, kamudian sadoalahnyo malatakan gundu/pecahan kaco/koin tambago diateh tangga partamo
pamanang partamo malompek jo kaki sabalah ka tangga 2,3,4,5,6 dan malompek jo kaduo kakinyo ka tampek tangga ka 7. sedangkan tangga 1 indak buliah di injak karano ado gundu.
malompek jo kaki sabalah ka tangga no 3, 2 dan manunduak untuak maambiak gundu di tangga 1 dengan posisi kaki tagak sabalah dan apobilo pas malompek kaki kanai garis dinyatoan gugur atau mati.
satalah diambiak gundu baliak ka posisi start baliak dan loncekan gundu ka tangga ka 2 lai, dan tangga ka 2 indak buliah di injak dan kalau pamainnyo masih ketek inyo akan tagak serong, atau manggunoan tangga sabalahnyo nan kosong untuak tagak kaduo kakinyo tapi ttp indak buliah kanai garih.
bantuak itu sataruihnyo hingga salasai kasadoalah pamain dapek gilirannyo

2. Hidup Mati

Pamain mambaok gundunyo katangah tangga atau tangga ka 7, tagak diateh kaduo kakinyo sambia lambek-lambek malatakan gundunyo ka tanah, kamungkinan ado gundu dari pamain lain disitu dan inyo harus ingek samo gundunyo surang.
jo mato tatuik inyo manunduak maambiak gundunyo
sambia mangecek "Hidup" inyo manjuluaan kaki kirinyo ka tangga ka 4, kalau kakinyo indak manyingguang garih, kawannyo akan manjawek "Hidup".
kamudian kaki kanannyo dijuluaan ka tangga ka 6 sambia mamngecek "hidup", baitu pulo ka tangga-tangga barikuiknyo.
kalau kakinyo manyingguang garih, mako kawannyo mangecek "mati" , dan pamain gugur.

3. Kaliliang Kota

Pamain malatakan gundu di tapalak tangannyo dan dengan tangkeh gundu itu dilempa ka ateh dan indak talalu tinggi dan disambuik baliak jo pungguang tangan.
pamain jo kaki sabalah malompek ka tangga 7 alah sampai tagak jo duo kakinyo. turun baliak ka tangga ka 3, 2 dan 1. satalah salasai tagak dimuko tangga, gundu yang di balakang tangan tadi di lempa ka ateh dan kalau indak tatangkok mako pamain gagal dan gagal.

4.Jua Apam

pamain malatakan gundu diateh kapalonyo dangan hati-hati bia gundu diateh kapalonyo indak tajatuah, pamain malompek jo kaki sabalah, gundu dijatuahan dari ateh kapalo dan langsuang ditangkok jo tangan kanan.

5. Tukak Ayam

Pamain manyalekan gundu dijari kaki kirinyo, kaki kiri diayun ayaunkan sadangkan kaki kanan malompek bantuak caro bamain diateh. akhia dari gundu nan tasalek tadi dilemparkan ka ateh dan ditangkok