Pamainan Leletop
Apo itu pamainan leletop?
[suntiang | suntiang sumber]Leletop adolah pamainan parang nan dimainkan dek anak-anak di Kabupaten Lingga. Namonyo leletop dek mambuek bunyi mancogok. Leletop biasonyo dimainkan dek anak laki-laki, dan dapek dimainkan surang-surang atau sacaro kalompok.
Alat digunakan dalam permainan
[suntiang | suntiang sumber]Bahan dasar untuak pamainan ko adolah batuang ketek, labiah kurang diameter 1 cm. Sudah tu, ditambahkan pulo tungkek buluah nan labiah ketek lai, panjangnyo sasuai jo nan partamo. Fungsinyo untuak manggarikkan bola. Bola nan dimukasuik adolah bungo jambu, nan bisa dijadikan bola atau karateh ketek nan dibuek jadi bola.
Caro bamain
[suntiang | suntiang sumber]Untuak bamain leletop, satiok pamain musti punyo leletop masiang-masiang. Pamain harus juo manyiapkan paluru surang, nan tabuek dari putiak jambu. Putiak jambu, nan disiapkan sabalunnyo, dilatakkan di muko lubang. Kudian, inyo diketok atau ditakan jo gagang pandorong sampai masuak. Sakali putiak jambu dilatakkan di muko lubang, pandorong buluah ketek tu dimasuakkan sacaro capek, mahasilkan bunyi letupan atau leletupan.
Wakatu pamainan
[suntiang | suntiang sumber]Pamainan leletop ko biasonyo dimainkan siang hari atau bisa dimainkan di hari sanjo.
Tampek pamainan
[suntiang | suntiang sumber]Pamainan tradisional ko biasonyo dimainkan di lapangan nan lapang dan lueh tampek anak-anak biaso bamain. Bisa juo dimainkan di laman rumah nan gadang.
Manfaat
[suntiang | suntiang sumber]Pamainan leletop ko dapek maisi wakatu luang anak-anak dan marupokan kagiatan nan sero untuak anak laki-laki. Hal iko juo mamupuak kreativitas dalam mambuek leletop dan maajan katangkehan ka anak-anak nan sato bamain.