Pamainan Lehong
Apo itu pamainan lehong?
[suntiang | suntiang sumber]Lehong adolah pamainan tradisional anak-anak urang Aneuk Jamee Aceh Selatan. Tujuan pamainan adolah untuak sacaro simbolis saliang "mambunuah", manggunoan kato "lehong" untuak manandoan kasuksesan.
Wakatu pamainan
[suntiang | suntiang sumber]Pamainan iko biasonyo dimainkan dek anak-anak pado bulan puaso manjalang Idul Fitri atau hari rayo gadang, katiko sakolah libur dan anak-anak punyo banyak wakatu luang. Anak-anak bamain basamo saaik sanjo di laman rumah atau meunasah (musajik ketek) hanyo untuak basanang-sanang sajo. Pamainan ko bisa dimainkan bilo sajo asalkan anak-anak basamo-samo dan punyo kaleng.
Aturan pamainan
[suntiang | suntiang sumber]Indak punyo aturan khusus atau unsur gaib, dan alah dimainkan dek anak-anak Aneuk Jamee salamo turun tamurun.
Paralatan nan digunoan
[suntiang | suntiang sumber]Alat untuak pamainan ko adolah kaleng susu/cat.
Caro bamainnyo
[suntiang | suntiang sumber]Mamakai kaleng nan diisi jo batu untuak mambuek suaro. surang pamain manjago kaleng, manutuik mato, samantaro nan lain manyuruak. Panjago tu mancari kawan-kawannyo dan, kalau inyo mancaliak, maimbau namo-namonyo sambia mangguncang-guncang kaleng tu. Namun, kalau kawan nan lain luluih manyipak kaleng dulu sambia basorak "lehong," panjago tu kalah baliak dan tetap manjago kaleng sampai inyo manang dan baganti tugas jo nan lain. Pamainan ko seru karano fokusnyo bukan ka manang, tapi ka sia nan paliang acok kalah dan acok manjago kaleng.
Manfaat
[suntiang | suntiang sumber]Pamainan ko masih sangaik disukoi anak-anak karano sero dan mambuek sadonyo sanang. Urang tuo jo masyarakaik juo indak kabarekan, karano itu mambaok sanang jo raso pueh untuak anak-anak katiko main basamo. pamainan ko mamupuak atau maajaan katangkehan, strategi, jo kalihaian anak-anak.