Pamainan Kucing Rabun
Apo itu pamainan kucing rabun?
Pamainan kucing rabun marupoan pamainan nan dilakuan jo kalompok anak-anak nan barumua antaro 6 sampai 13 tahun, dan dilakuan dek kalompok laki-laki jo padusi atau dapek juo dilakuan basamo samo. pamainannyo indak tarikek jo jumlah tatantu, biasonyo pamain bajumlah 5 sampai 6 urang atau paliang saketek 3 urang.
Pakakeh pamainnyo yoitu ciek potong kain nan agak taba bawarna hitam, ukuran 50x100 cm. lokasi bamain biasonyo di tanah lapang atau halam rumah lalu di tanah lapang tu dibuek garih pamainan nan babantuak lingkaran. ukuran jari-jari lingkarannyo antaro 1 sampai 2 meter.
Sabalum pamainan dimulai anak-anak bakumpua pado ciek tampek dengan jumlah pamian nan dianggap cukuik, kamudian pamiliahan lokasi, sudah manantuan lokasi dibuek lingkaran, satalah salasai mambuek lingkaran , pamain akan ma seleksi untuak manantukan siapo nan harus manjadi kuciang rabun yoitu dengan malakuan ansum/anzum nan mirip samo hompimpa atau malakuan suit untuak duo pamain tarakhir. satalah diadokan seleksi untuak manantuan sia nan harus manjadi kuciang rabun, pamain dapek dilangsuangkan.
Aturan bamain
[suntiang | suntiang sumber]aturan pamainannyo adolah pamain dilarang bana mainjak garih pamainan. apobilo ado surang urang pamain nan mainjak atau tainjak, mako pamain tasabuik dinyatoan akan manggantikan pamain nan manjadi kuciang rabun, dan kuciang rabun talapeh dari tugasnyo.
Caro bamain
[suntiang | suntiang sumber]- tutuik mato nan manjadi kuciang rabun manggunoan kain itam dengan caro diikek pado bagian kapalo. pastikan dek pamain lain kalau panutuik mato tu indak tarawang.
- satalah mato nan manjadi kuciang rabun tatutuik dengan baik, mako pamain nan lain harus manjauah dari tampek kuciang rabun tu tagak
- pamain manyatakan siap kapado kuciang rabun untuak dicari
- kuciang rabun mulai maraba-raba mancari pamain-pamain nan lainnyo
- apobilo kuciang rabun dapek manangkok salah surang pamain, mako pamain nan ditangkok tu indak buliah lari. Pado saaik itulah kuciang rabun maraba badan si pamain nan ditangkok itu lalu manebak dan manyabuik namo nan tatangkok tu.
- apobilo tebakan itu batua, mako nan harus manjadi kuciang rabun gantian jo urang nan ta tebak namonyo tu.
- dan kalau tebakan si kuciang rabun salah mako inyo tetap manjadi kuciang rabun
- untuak mambuktikan salah atau batua tebakan itu, pamain nan indak tatangkok harus basuara dan mangatoan nan sabananyo. jadi sadoalah pamain harus diajarkan bia basikap jujur.