Pamainan Kolecer

Kolecer adolah mainan tradisional urang Sunda. Dalam bahaso Indonesia, kolecer disabuik baling-baling. Salain manjadi mainan anak-anak, kolecer juo biaso digunoan dek patani padi pado musim panen untuak mangaja buruang.Nan babeda hanyolah ukurannyo. Kolecer untuak mainan anak-anak biasonyo hanyo 0,5 meter sampai 1 meter. Kolecer ko sangajo dibuek ketek karano anak-anak akan balari sambia mamacik kolecer untuak mambueknyo baputa. Indak anak-anak sajo nan suko main kolecer. Banyak juo urang gadang nan sanang main kolecer. Kolecer untuak urang gadang biasonyo baukuran 1 meter inggo 3,5 meter.Caro mainnyo juo babeda. Kolecer akan dibao ka tampek nan ba angin kancang sarupo ladang atau bukik dan tasangkuik di dalam tanah. Samakin kancang angin, samakin kareh bunyi kolecer. Alat jo bahan untuak mambueknyo juo cukuik mudah dicari di daerah pedesaan. Kolecer dapek dibuek manggunoan tungkek buluah atau babarapo jinih kayu mulai dari pohon kitanah, kapok atau pohon tisuk. Samantaro untuak ikua, bisa pakai daun karambia.

Caro Bamain

1. Siapkan kolecer .
2. Pastikan baling-baling bisa baputa lancar pado sumbunyo dan indak macet.
3. Carilah tampek tabukak.Hal iko biasonyo dimainkan di sawah, ladang, halaman, atau daerah nan babukik-bukik nan banyak angin.
4. Taruhan tiang kolecer .Tiang buluah tu ditanamkan kuek-kuek di tanah supayo indak jatuah dek angin kancang.
5. Adok ka arah angin .Arahkan baling-baling ka arah angin. Katiko angin barambuih, kolecer akan baputa-puta dan mambuek bunyi khas.
6. Main jo kawan .