Pamainan Koba Tiup

Apo itu Pamainan Koba Tiup?

Koba tiup ko adolah pamainan malemparkan karet atau kajai ka dalam lidi dan jikok karetnyo basinggungan mako akan dibantu jo tiupan si pamain. Pamainan iko dimainkan dek anak laki-laki dengan rantang umua tujuah sampai tigo baleh tahun (7-13 tahun). biasonyo pamain tadiri dari tigo sampai 5 urang bahkan labiah. di dalam pamainannyo tadapek unsur taruhan.

Pakakeh

Pakakehnyo atau paralatan yang digunoan dalam permainan koba tiup ko adolah karet galang atau kajai galang jo lidih, lidihnyo panjang sakitar 5 cm.

aturan bamain

Koba tiup ko dimainkan biasonyo di tanah lapang yang rato nan lueh indak di lapangan nan basemen atau balantai . Hal iko batujuan agar mudah untuak mancucuakan lidi dan mambuek garis bateh.Sabalum pamainan dimulai, satiok pamain mangumpuan taruhan lidih sasuaai kasapakaikan, sudah tu dibuek garis partamo yang disabuik pidi dan garih kaduo yang disabuik jo garih mati. Jarak kaduo garih tasabuik adolah sakitar 1,5 meter.

Pado jarak 25 cm dari garih mati dicucuakan batang lidi. Daerah sakita lidih tasabuik adolah daerah tampek tajatuahnyo karet sampai bateh garih mati. Jarak antaro garih partamo jo garih kaduo marupoan daerah talaarang dikaranoan karet dilarang jatuah di tampek tasabuik.

caro bamain

Satalah sadoalahnyo siap, pamain malakuan undian untuak manetapkan siapo yang akan bamain talabiah dahulu. Caro ma undinyo adolah dengan malompekan karet gacoan dari garih partamo ka lidih. Pamain yang karetnyo punyo jarak yang paliang dakek jo lidih marupoan pamain yang bakasempatan mamulai pamainan partamo. bagitulah uruikan pamainan hinggo didapekan pamain dari urutan partamo hinggo tarakhir.

Pamainan dimulai dek pamain partamo jo malompekan karet taruhan, elok manggunoan jo tangan kanannyo ataupun tangan kirinyo, dari garih partamo ka lidih. Malempaan karet dilakuan dalam posisi jongkok jo ciek kaki ditakuak dan ciek lai taulua luruih ka balakang, samantaro tangan yang mamegang karet condong ka arah muko.

Pamain dapek mampunyoi karet lemparannyo jikok karet bahasia masuak ka dalam lidih. akan tetapi jikok karet atau kajai indak masuak ka dalam lidih, namun masih basingguangan atau tagantuang diujuang lidih buliah dibantu supayo masuak ka dalam lidih jo sakali ambuih. Kalau diambuih indak masuak ka dalam lidih dikumpuan baliak dan diagiah ka pamain salanjuiknyo untuak dimainkan. Bantuak itulah pamainan balangsuang sacaro bagantian sampai karet atau kajai habih dan pamainan diulang dari awal baliak.