Pamainan Kepala Babi

Apo itu pamainan kepala babi?

Pamaian iko dinamoan kapalo babi, karano rotan pendek nan di tokokan jo dilempa. Pamainan iko biasonyo dimainkan diwaktu senggang, sajog istirahat atau sajog kalua main disikolah, jo indak ado kaitannyo jo kejadian sosial tatantu ataupun unsur-unsur religius-magis di dalamnyo.

Pesertanyo anak laki-laki nan barumua 10 sampai 15 tahun. jumlah pamain buliah 5 atau 6 urang jo buliah juo bakalompok. Misalnyo sakali bamain ado duo kalompok. ciek kalompok tadiri dari 3 atau 4 urang anak padusi indak manyukoi pamainan iko sabab babahayo.

Pakakeh untuak bamain

Pakakeh nan dibutuahan adolah duo potong rotan sadagang ibu jari kaki nan ciek untuak panokok panjangnyo 40 cm jo ciek lai untuak pamain sapanjang 15 cm. ciek lobang ditanah lebanyo 20 cm jo dalamnyo kurang labiah 15 cm.

Aturan bamainnyo

sabalum pamainan dimulai, ditantuan bamain kalompok atau perurangan.
kalau misalnyo nan ikuik 8 atau 10 urang, mako dibagi duo kalompok. sajogkan kalau pesertanyo 4 atau limo urang itu perurangan.
sudahtu buek kesepakatan basamo bahwa tiok kali pamainan dapek mancapai nilai 3.500 angko.
misal nilai ciek pukulam nan elok 100
panjago dapek manangkok atau manyambuik rotan nan di lempar 100.
amnghituang jarak pukulan 100
manyadiokan lobang jo bateh pamain tagak, kaki pamain indak buliah kalua dari garih,
jikok sadoalahnyo alah sudah jo aturan pamainan alah disapakati, barulah pamainan dimulai jo untuak manantuan sia nan mulai partamo itu dengan basuit

Caro bamain

Mancukia, anak (rotan pendek) dilatakan malintang diateh lobang, jo panokok (rotan panjang) anak tadi dicongkel jo ditolak sajauah -jauahnyo. nan manjago barusaho manangkok baliak melemparkan kembali kapado sipamain.
Plang, Anak (rotan pendek) jo panokok (rotan panjang) pado ciek tangan. Anak dilambuangkan ka ateh, panokok barusaho manokoknyo sajauah mungkin, iko agar si panjago jan dapek manangkoknyo jo apobilo jauah susah untuak panjago malempar ka lobang. sebab kalau anak dapek dilempa menuju lubang, pamain mati. kamudian sampai kama lemparan panjago, pamain akan manghituang jaraknyo mamakai panokok atau dihituang dari lobang. Tiok sakali tokok nilainyo 100, itulah sababnyo pamain abrusaho malempar/manokok anaknyo sajauah mungkin.
Kepala babi, anak dilatakan tagak di ateh lubang, pamain manokok anak jo bilo anak sajog malantiang, ditokok kumbali jo panokok. bilo pukulan partamo alun kanai, buliah jo pukulan kaduo asal anak masih diudaro atau alun jatuah ka tanah, pamain barusaho manokok sajuah-jauahnyo . Pukulan iko indak dikumblikan dek pamjago. Jarak nan di tokok dek pamain atau dima anak tadi jatuah, itulah nan di hituang jo caro manghituangnyo daari lobang apobilo anak tadi tadi indak ta tokok atau kanai dek pamain, pamain mati.
tiok giliran diulang dari samulo,
akhirnyo bilo pamain ciek-ciek alah sampai ka parmainan, atau alah dapek 3.500 nilai, si pamain buliah manunggu nan giliran ka tigo atau sataruihnyo sampai jadi pamanang, sebab nan kalah akan Mancilok Dendeng.
Mencilok dendeng, pamain partamo malatakan anak atu rotan pendek, malintang di ateh lobang, mancongkel dengan tungkek panokok sajauh mungkin, pamain nan kalah akan maambiaknyo. rotam itu di latakannyo di sabalah kaki, misalnyo di kaki kiri. kaki iko indak buliah dilatakan atau manyingguang tanah. jadi dengan kaki sabalah inyo malompek-lompek diiriangan dek sorak sorai sarato ucapan celok dendeng , celok dendeng jo kawan-kawan manuju kalobang.