Pamainan Jamuran

Jamuran marupokan pamainan nan barasa dari pulau Jawa. Pamainan iko dapek dimainkan dek anak-anak mulai dari umua 4 sampai 12 taun. Biasonyo dimainkan pado wakatu patang jo wakatu malam katiko bulan purnama. Peserta nan bamain baumua 6 sampai 13 taun. Pamainan dapek dimainkan dek anak laki-laki, anak padusi, atau bacampua laki-laki jo padusi.

Caro Bamain

1. Pamain bajumlah 10 urang pamain (A, B, C, D, E, F, G, H, I, J), sudah tu dibuek imbang jo caro diundi, sia nan kalah akan manjadi. Misalnyo, sia nan manjadi J, mako A, B, C, D, E, F, G, H, I mambantuak lingkaran, sasudah itu mangaliliangi J nan di tangah.
2. Sasudah itu A ka I bajalan mangaliliangi J, sambia malagukan lagu Jamuran.
3. Untuak bamain, surang urang manjadi "pancer" pusek, dan pamain nan lainnyo bagandeang tangan untuak mambantuak lingkaran mangalilingi pancer . Inyo bajalan baputa malingka di sakuliliang pancer nan manjadi pusek sambia balagu Liriknyo adolah:

Jamuran
Jamuran ya gégé thok
Jamur apa ya gégé thok
Jamur gajih mbejijih sa ara-ara
Sira mbadhé jamur apa

Sasudah itu pancer manjawek jiniah jamur sasuko hatinyo. Misalnyo, pancer nan manjadi pusek manjawek jamur payuang, mako pamain harus tagak luruih jo tangan tabukak. Sasudah itu pancer tu manggalitiak katiak kawan nan lainnyo ciek-ciek, kalau salah surang indak tahan atau mangarik, inyo maambiak aliah manjadi pancer. Misalnyo, sasudah malagukan Jamuran, dan pancer manjawek Jamur Kethek Nenek nan aratinyo cindawan monyet nan sadang mamanjek, mako pamain nan lain harus langsuang balari mancari batang kayu nan ka dipanjek untuak mamaragoan cindawan nan mamanjek batang kayu. Kudian pancer manangkok salah surang pamain nan alun mamanjek atau alun sempat mamanjek, dan nan tatangkok maambiak alih sabagai pancer. Dalam istilah Jawa pancer ko disabuik juo Bocah Sing Dadi (anak nan manjadi).