Pamainan Ingkau

Apo itu pamainan ingkau?

Ingkau adolah namo pamainan dalam bahaso daearah propinsi Bengkulu yang dalam bahaso Indonesianyo adolah sapatu bambu atau hantu-hantuan. Pamainan iko indak dikatahui darimano usulnyo dan daerah mano di Bengkulu. Tapi pamaianan iko barasal dari kajadian urang ajaib atau dalam pangartian masyarakaik barasa dari harimau jadia-jadian atau Mesumei/Sumei, dan pamainan iko indak barubah dari dahulu kalanyo.

Pakakeh nan digunoan untuak bamain

pakakehnyo adola duo batang bambu yang gadangnyo labiah kurang sagadang langan, dan tadiri dari 4-8 rueh dan samo gadang. Sudah tu dibuek untuak tampek bapijak pado tangah-tangah, yang marupoan untuak tampek ka duo kaki batumpu dan bajalan. Bambu nan dipiliah nan indak talalu barek dan kokoh untuak dinaiakan biasoyo bambu nan alah mati. samakin tinggi bambu samakin bangga si pamainnyo.

Aturan bamain

Pamainan Ingkau dimainkan hanyo dek kaum laki-laki nan baumua 8 sampai 20 tahun ka ateh, karano kalau padusi nan mamainan mako masyarakaik mamandang janggal karano emang indak pernah dimainkan dek kaum padusi. Ingkau ko bisa dimainkan di siang atau malam hari.

caro bamain

1. Pamain tagak diateh tapak yang ado diateh batang bambu sambia mamegang ujuang bambu bagian ateh.
2. kamudian pamain bajalan kaarah nan alah ditantuan, dan pado waktu itu pamain harus batua-batua tarampil dalam mamaliharo kasaimbangan badan bia ndak tajatuah.
3. nan indak tajatuah sampai tujuan inyo dipastikan jadi pamanang.
4. dan kalau bamain di malam hari, suasana dibuek agak manakuikan, pamain akan dilangkoki jo kuting niugh atau mayang karambia yang alah mati dan pado satiok ujuang mayang karambia dinyalakan api. Mayang-mayang yang alah barapi tu, di gigik dan disalekan di sela jari-jari, di talingo atau ditampek nan bisa disalekan.