Pamainan Goloh Panjang

Goloh Panjang adolah pamainan nan dimainkan dek anak-anak di Kabupaten Kapulauan Anambas. Bisa dimainkan sacaro bakalompok dek anak laki-laki maupun anak padusi.

Pakakeh yang digunoan dalam pamainan

Sarupo namonyo, tiang panjang, juo disabuik golong, adolah alat nan digunoan dalam pamainan ko untuak mambuek garih panjang jo horizontal. Pakakeh lain nan diparaluan adolah bola kasti.

Aturan permainan

Tahap partamo adolah mambuek babarapo garih nan mamanjang jo basilang jo tiang. Para pamain manantuan kalompoknyo dulu, sasudah kalompok-kalompok tu tabantuak, diadoan undian untuak manantuan kalompok mano nan mamacik bola jo kalompok mano nan manjadi panjago. Kalompok nan mamacik bola kasti punyo misi untuak mambaok bola dari garih start malalui garih-garih nan dijago dek kalompok lawan. Bola dapek dilewakan dari satu kawan ka kawan nan lain salamo bola indak jatuah, indak tasintuah dek lawan, tamasuak badan pamain juo indak tasintuah dek lawan nan sadang manjago satiok garih nan dibuek jo tiang. Jikok pamain tu bahasil mambaok bola kasti dari titiak awal ka titiak baliak, mako kalompok itulah nan manang. Sabaliaknyo, jikok bola dapek disentuh atau salah satu badan kalompok nan mambaok bola disentuh dek pamain lawan, pamainan dimulai dari awal jo pamindahan kalompok panjago ka kalompok pamain nan ka mambaok bola kasti.

Wakatu pamainan

Pamainan goloh ko biasonyo dimainkan pado wakatu luang, tarutamo pado wakatu siang.

Tampek pamainan

Pamainan iko biasonyo dimainkan di tampek nan cukuik laweh atau di lapangan tabukak sahinggo pamainnyo dapek bagerak labiah bebas.

Manfaat

Pamainan goloh adolah salah satu pamainan nan mambarikan manfaat karano pamainan ko dimainkan sacaro bakalompok nan akan mamupuak raso karajo samo jo solidaritas di antaro para pamain.