Pamainan Geudeue-Geudeue

Apo itu Geudeue-Geudeue?

Geudeue-Geudeue adolah sabuah pamainan tradisional nan barasal dari Provinsi Aceh. Urang-urang disinan juo manyabuik pamainan ko jo nama due-due. Pamainan Geudeue-Geudeue ko tamasuak permainan nan cukuik ekstrem jo barisiko tinggi, karano salah-salah bisa manyababkan cidera nan cukuik parah. Dek karano itu, sabalun main pamainan ko, urang harus batua-batua paham akan risiko nan ado, sarato punyo persiapan fisik supayo bisa mahindarkan cidera. Geudeue-Geudeue marupoan pamainan adu tanago jo otot. Dari segi pamainan, iko ampia samo jo pamainan sumo di Jepang. Beda nyo, kalau sumo dimainkan ciek lawan ciek tanpa ado urang lain di dalam arena, Geudeue-Geudeue bisa dimainan jo labiah dari duo urang dalam satu waktu. Dalam pamainan ko juo ado juri nan mangawasi jalannyo pamainan, nan biaso disabuik Ureueng Seumeubla. Selain manarik untuak dimainkan, Geudeue-Geudeue juo rancak untuak dipatontonkan. Bagi urang nan indak bisa ikuik bamain, manonton pamainan ko tatap manyanangkan karano banyak aksi manarik nan sayang untuak dilewatkan, sahinggo manjadian pamainan ko punyo daya tarik surang.

Sarano dan Prasarano

Pamainan iko hanyo mambutuahan lapangan yang lueh sabagai tampek batandiangnyo dan Ureueng Seumeubla sabagai wasit atau pangawas patandiangan. pamainan iko dapek ditonton dek warga sakitar untuak mamariahkan jalannyo patandiangan Geudeue-Geudeue.

Aturan Pamainan

1. Panantang dan yang sadang ditantang basiap untuak mamulai pamainan.
2. Para panantang dan yang ditantang harus barusaho saliang maampehan satu samo lain.
3. Ureueng Seumeubla atau wasit dapek mamisahan jikok tajadi hal yang indak di inginkan, bantuak cedera, kecelakaan serius dan lain-lain.
4. kaduo balah pihak harus saliang manghormati jo maharagoi satu sama lain agar pamainan bajalan lancar tanpa ado raso bamusuahan diantaro kaduonyo.

Cara Bermain

1. Dari kaduo pihak basiap dalam arenaDari kedua pihak bersiap dalam arena.
2. Ureueng Seumeubla atau wasit patandiangan dapek mamulai patandiangan.
3. Diawali jo panantang yang manyarang dan yang sadang di tantang mambaleh sarangan.
4. Kaduonyo saliang jua bali sarangan dan barusaho untuak mambuek lawan kalah.