Pamainan Dhingklik Oglak-aglik
Dhingklik Oglak-aglik
[suntiang | suntiang sumber]Dhingklik oglak-aglik adolah sabuah pamainan tradisional yang barasa dari Jawa Tangah. Anak-anak mamainkannyo dangan maniru suatu bantuak bangku (dhingklik) yang digunokan untuak duduak, yang kadaannyo indak stabil sahinggo akan mudah goyah (oglak-aglik). Pamainan iko dimainan minimal oleh 3 anak dalam satu kalompok yang sausia, sama gadang, dan samo tinggi, supayo dapet manjago kasaimbangan suatu bantuak dhingklik yang oglak aglik.
Caro Bamain
[suntiang | suntiang sumber]Partamo, sadolahan nyo pamain badiri bahadok-hadok an jo tangan saliang bagandengan. Contohnyo pamain tu adolah A, B, C, dan D tahap kaduo, B dan C manarobos di bawah langan A dan B, sahinggo para pamain badiri dangan saling batolak balakang dan tangan tatap bagandengan.
Kaduo, satiok pamain maangkek salah ciek kaki nyo ka arah dalam lingkaran, kamudian masiang-masiang kaki saliang dikaikan untuak mambantuak sabuah posisi yang kokoh sahingo indak akan mudah jatuah.
Tarakhia, tangan yang saliang bagandengan dilapehkan, kaduo tangan batapuk tangan.
Para pamain malonjak-lonjak sambia batapuk manyanyikan lagu: Pasang dhingklik oglak-aglik, yen kecelik adang gogik, yu yu mbakyu mangga dhateng pasar blanja, leh olehe napa, jenang jagung enthok-enthok jenang jagung, enthok-enthok jenang jagung, enthok-enthok jenang jagung.
Lirik lagu iko dinyanyikan sapanjang pamainan. Indak manutuik kamungkinan, kaikkan kaki alah talapeh katiko lagu alun salesai dinyanyikan, mako salasai lah pamainan iko.
Walaupun pamainan iko indak paralu parlangkapan apo pun untuak manunjang jalannyo pamainan, namun paralu tampaik yang cukuik lueh supayo tajadi kasaimbangan dan kakompakan diantaro paro pamain dalam mambentuk dhingklik.