Pamainan Cok lele

Apo itu pamainan cok lele?

Pamainan cok lele adolah pamainan tradisional nan dimainkan dek anak-anak di Kabupaten Lingga. Jaman kini, pamainan ko lah jarang dicaliak atau dimainkan dek anak-anak. Bisa dimainkan dek anak laki-laki maupun anak padusi, bahkan lah dimainkan dek anak SD. Pamainan ko dapek mampunyoi antaro ampek inggo lapan pamain (4-5).

Pakakeh nan digunoan dalam pamainan

Pamainan ko indak mamaralukan paralatan khusus, hanyo ciek benda ketek, bisa sajo batu ketek atau benda ketek lainnyo.

Caro bamain

Para pamain partamo bakumpua jo malakukan pamainan ompimpa. Pamain nan kalah dalam pamainan ompimpa akan manjadi urang nan manebak di tangan siapo benda atau batu ketek tu tasambunyi.Pamain saliang maadoki dan kamudian manyanyikan lagu atau bait barikuik:

Sapiriang, duo piriang

Sabuah serampang dewa .

Indak ado daun siriah kuniang .

Indak ado siriah tuo .

Cok lele bendungan dum

Pecah pele lentam lentum

Sambia manyanyikan lagu, pamain baganti-ganti malaluan benda ketek tu dari pamain nan ciek ka pamain nan lain, untuak mailak dari tatangkok dek pamain nan sadang manebak-nebak. Sasudah lagu salasai, pamain nan kalah dalam pamainan ompimpa akan manebak tangan siapo benda ketek tu kini barado di dalamnyo.Jikok tebakannyo batua, panebak tu baraliah. Kalau dugaan salah, permainan balanjuik.

Wakatu pamainan

Pamainan ko dapek dimainkan bilo sajo, tarutamo pado wakatu luang, baiak pado wakatu pagi, sore, atau patang.

Tampek pamainan

Pamainan ko biasonyo dimainkan di dalam ruangan atau bisa juo dimainkan di teras rumah.

Manfaat

Pamainan ko manyadiokan caro nan unik untuak anak-anak untuak maabihan wakatu luangnyo. Salanjuiknyo, mamakai sajak atau lagu untuak malibatkannyo. Hal iko juo mamungkinkan anak-anak untuak basosialisasi jo kawan-kawannyo saaik pamainan balangsuang.