Pamainan Bicau

Apo itu pamainan bicau?

Pamainan Bicau punyo namo lain bantuak Capicau dan Seletak. Pamainan iko alah ado sajak zaman rajo-rajo sabalum pamarintahan Balando. namun pakambangan pamainan iko indak diketahui sacaro pasti, karano indak ado tadapek bukti barupo tulisan, lukisan atau bantuak lainnyo. pamainan iko manganduang nilai-nilai sosial yang dapek dilakuan oleh satiok kalompok masyarakaik indak ado larangan apopun untuak bamain, dan indak ado keterikatan jo kepercayaan untuak bamainnyo. Pamainan iko hanyo mambutuahan garis nan dibuek di ateh tanah, karateh atau papan. sudah tu masiang-masiang pamain harus manyiapkan 12 buah biji sagadang kalingkiang, masiang-masiang harus bebda bantuak bijinyo bia mudah mambedakan punyo sianyo.

Aturan bamain

pamainan iko dimainkan pamain nan barumua tujuah sampai 30 tahun, pamain buliah laki-laki atau padusi. dimainkan jo duo urang dan disaksian dek penonton, atau kalau yang datang labiah banyak bisa ikuik mambuek garih baru dan bamain pulo jo kawan nan lain.

Caro bamain

1. manantuan lokasi bamain dan mambuek garih garih pamainan.
2. satalah itu kaduo urang pamain manyiapkan 12 buah biji-bijinyo.
3. pamain bebas mamindahkan buah atau biji-bijinyo tu ka tampek nan kosong, buah nan dapek dilangkahi brarti mati dan diambiak dek yang malangkahi sabagai kamanangan.
4. caro manggesernyo atau manjalankan buah jo caro bagiliran,
5. manantuan sia yang partamo manjalankan dengan suit
6. satiok buah yang dianggap mati, diambiiak dan dikaluaan dalam garih pamainan
7. sataruihnyo buah nan labiah dulu habih mako dianggap kalah, bantuak urang bamain catur.