Pamainan Bepatakan

Bepatakan atau bapatakan marupoan pamainan tradisional Kalimantan Selatan barupo manyambunyian jo mancari indas di dalam tanah. Bepatakan barasa kata patak artinyo mmbanaman atau mangubua dalam tanah. Pamainan iko umumnya dimainan dek anak padusi. Pamainan ko bisa dilakuan di pakarangan sakola atau rumah.

Aturan pamainan

1. Pamainan iko dimainkan dek duo urang.
2. Pamainan bisa dilakukan di tanah pakarangan.
3. Para pamain malakuan pingsut sabalum pamainan dimulai.
4. Pamain nan manang pingsut akan maandokan indasnya dalam tanah labiah dulu.
5. Saat pamain manyimpan indas, maka lawan pamain harus mambalakanginyo supayo indak bisa mancaliak dima indas disimpan.
6. Pamain nan baparan sabagai pencari indas hanyo buliah mancongkekl tanah di tigo titika nan babeda.
7. Jikok pamain pancari indas barasia mandapekan indas, mako pamain tasabuik akan mandapek giliran maandokan indas.

Caro bamain

1. Para pamain mambuek lingkaran atau pasagi untuak lokasi bepatakan jo manggarih tanah.  Ukuran lokasi bepatakan disasuaian jo kainginna para pamain. Namun, biasonyo ukurannyo indak talalu gadang. Pado lokasi babantuak lingkaran, diameternyo barukuran sakita 25 cm. Sadangkan, pado bantuak pasagi panjang sisinyo barukuran sakita 25 cm.
2. Pamain patamo mambanamn indas ka dalam tanah di lokasi bepatakan. Indas bisa barupo karikia, rantiang, atau daun saukuran satangah butia bareh. Sasudah salasai mambanaman indas, tanah di sakita indas dirapikan saolah-olah indak pernah digali.
3. Sasudah pamain patamo salasai maandokan indas, mako lawan mainnyo akan mancari indas. Pamain nan mancari indas akan mencongkel tanah nan dianggapnyo menimbun indas. Pamain tasabuik bisa manggunoan lidi atau rantiang ketek untuak mancukia tanah.