Pamainan Batiwah

Pamainan Batiwah atau Tiwah marupoan pamainan anak tradisional Kalimantan Selatan, nan awalnyo disobokkan di daerah Kabupaten Barito Kuala, kamudian manyeba di babagai daerah di Kalimantan Selatan hinggo Kalimantan Tengah. Indak dikatahui makna kato Tiwah, tapi banyak nan mangaikanyo jo upacara Tiwah atau Batiwah khas panganuik agama Kaharingan, yakni upacara panghormatan tahadok arwah nenek moyang.

Pamainan iko umumnyo dilakukan dek sakalompok anak laki-laki, namun juo bisa diikuikan dek anak padusi. Indak ado batasan jumlah pamain, jo minimal bisa dilakuan dek tigo orang. Pamainan Batiwah biasonyo dilakuan di halaman rumah.

Alaik pamainan

Sekumpulan kayu nan membentuk kerucut, digunakan sebagai target dalam pamainan Batiwah khas Kalimantan Selatan.

Pamainan iko mambutuahan babarapo kayu jo ukuran panjang sakita ciek jangka, bisa disapakati misalnyo sapuluah batang kayu. Ciek kayu nan paliang kuaik ditanam di tanah, lalu manjadi sandaran bagi kayu-kayu lainnyo, hinggo mambantuak karucuik.

Satiok pamain juo harus mampunyoi sanjato atau undas, dalam hal iko adolah kayu sajangka nan harus babeda dari kumpulan kayu sabalmnyo, bisa diwarnai talabiah dahulu sabagai panando miliak masiang-masiang. Sairiang jo pakambangan zaman, ado pulo pamain nan mangganti kayu undas jo manggunoan tarompa japik punyo masiang-masiang pamain.

Caro bamain

Seorang anak sedang mendirikan ulang kayu-kayu dalam pamainan Batiwah, sementara pamain lainnya sedang bersembunyi di suatu tempat.

1. Bueklah sabuah garis awalan, jo jarak sakita ampek meter dari kumpulan kayu nan alah tagak mambantuak karucuik.
2. Masiang-masiang pamain mandapek giliran untuak mambidiak kayu tasabuik jo manggunoan undas atau tarompanyo. Urutan pamain bisa ditantuan jo metode hompimpa.
3. Jikok pamain bisa marubuahan minimal ciek kayu nan manjadi target, mako posisinyo akan aman, pamainan baganti, pamain kedua akan mambidiak batang kayu nan tasiso.
4. Jikok salah ciek pamain indak bisa marubuahan ciek pun kayu, mako posisinyo indak aman.
5. Jikok kamudian sadoalah kayu alah sabih dirubuahan, maka pamain nan dalam posisi indak aman akan batugas untuak mandirian kayu-kayu tasabuik baliak, samantaro pamain nan tadinyo barasia marubuahan minimal kayu, akan mamanfaatkan waktu katiko kayu disusun ulang, untuak basambunyi di lingkungan sakita.
6. Pamain nan alah salasai manyusun kayu manjadi bantuak karucuik, harus mancari kawan-kawannyo nan mandok. Namun inyo harus waspada dalam maninggaan tampek susunan kayu, dek jikok inyo lengah, pamain nan mandok bisa marubuahan kayu-kayu tasabuik sawaktu-waktu, jo inyo harus manyusun ulang baliak.
7. Jikok pamain barasia manamuan sadoalah pamain nan mandok, mako pamainan Batiwah akan diulang baliak. Masiang-masiang pamain akan manuju garih awalan untuak malempa undas-nya masiang-masiang.