Pamainan Bakiak

Pamainan Tradisional Bakiak

Pamainan Bakiak adolah pamainan tradisional nan barasa dari Minang atau Sumatera Barat nan disabuik jugo jo tarompa bakuak atau tarompa galuak. Bakiak adolah sajinih tarompa panjang yang talapaknyo tabuek dari kayu nan ringan jo paikek kaki bisa dibuek dari ban bakeh atau karet nan dipakuan dikaduo sisinyo

Pamainan Bakiak nan manggunoan tarompa panjang yang tabuek dari kayu ringan iko barisi antaro tigo atau ampek kaki sasuai jo bara pamainnyo. Dalam pamainannyo, Pamainan iko baguno untuak malatiah kakompakan para pamainnyo.

Caro Mainnyo

1. Sadioan bakiak jo timnyo.
2. Tiok tim mamakai bakiak nan alah disasuaian sacaro kalompok.
3. Sadolah tim regu basiap di garis start untuk untuak mamulai pamainan.
4. Katiko aba-aba alah dibunyian, mako sadolah regu harus bajalan sacaro kompak basamoan supayo saimbang.
5. Tiok tim balomba salain manjago kasaimbangan jugo harus sampai paliang capek di garis finish.
6. Tim yang partamo sampai di garih finis akan kalua sabagai pamenang.