Pamainan Badamprak

Badamprak atau main inting adolah pamainan anak-anak nan biaso ditamui di Kalimantan Selatan. Di daerah lain, pamainan iko juo sering disebut sebagai engklek, tetapi ado sedikit modifikasi dalam pamainan Badamprak. Pamainan iko bisa dimainan dek anak laki-laki maupun padusi, jo indak ado batasan jumlah. Badamprak umumnya dilakuan di halaman rumah atau dataran lueh.

Alaik pamainan

Satiok pamain harus mampunyoi ciek undas, benda ketek pipih nan bisa dilempaan. Umumnya undas dalam pamainan Badamprak tabuek dari potongan kayu atau potongan karamik.

Pamainan iko juo mambutuahan arena kotak-kotak, bisa dibantuak saroman huruf T (anam kotak) atau saroman tando salib (tujuah kotak). Jumlah kotak bisa dimodifikasi sasuai kasapakatan.

Supayo mamudahan panjalasan, kotak bisa diagiah panando angko. Kotak 1 adolah nan tadakek jo garis awal, diikuti dek kotak 2, kotak 3, samantaro kotak 4 adolah kotak pusaik. Kotak 5 ado di sampiang suok kotak 4, kotak 6 ado di ateh kotak 4, jo kotak 7 ado di sampiang kida kotak 4.

Caro bamain

Badamprak atau main inting, pamainan tradisional Kalimantan Selatan. Di beberapa daerah lain di Indonesia juo biasa disebut sebagai pamainan engklek.

1. Para pamain talabiah dahulu manantua sia nan mandapek urutan patamo jo urutan barikuiknyo, jo metode hompimpa.
2. Pamain patamo malempaan undas-nyo ka kotak 1. Lalu inyo malompek ka satiaok kotak sasuai urutan, tapi jo manggunoan ciek kaki sajo, misalnyo kaki suok, samantaro kaki kida diangkek salutuik mambantuak suduik siku-siku. Katiko undas-nyo ado di kotak 1, maka inyo indak buliah manapak di kotak tasabuik, harus malompek langsung ka kotak 2.
3. Saat tiba di kotak 4 jo 5, pamain bisa manapak jo kaduo kakinya, kaki kida di kotak 4, jo kaki suok di kotak 5. Kamudia, kaki kida manapak di kotak 5, tatapi kaki suok diangkek.
4. Barikuiknyo, kaki kida manapak di kotak 4 jo kaki suok manapak di kotak 6 sacaro sarantak. Lalu kaki kida manapak di kotak 6, samataro kaki suok diangkek.
5. Saroman sabalumnyo, pamain maloncek jo kaduo kakinyo manapak. Kaki kida di kotak 4, kaki suok di kotak 7. Lalu, kaki kida maloncek ka kotak 7, jo kaki suok diangkek.
6. Sasudah tu, pamain bisa manapakkan kaduo kakinya di kotak 4, jo basiap maloncek jo ciek kaki di kotak 3, kotak 2, lalu maambiak undas-nyo di kotak 1 jo tangan (kaki kida indak buliah turun). Pamain kamudian maloncek kalua arena, indak buliah manapak di kotak 1, dek undas-nyo pernah barado di kotak tasabuik.
7. Jikok pamain barasia menuntaskan tangan tasabuik, maka inyo berhak mandapek hadiah barupo keuntungan. Pamain babaliak mambalakangi kotak-kotak pamainan, malempa undas dari ateh kepala, di kotak mana undas tu mendarat, maka kotak tu manjadi miliknyo, biasonyo disabuik ‘rumah’. Inyo buliah menapaki kotak tu kapan saja, tetapi pamain lain indak buliah menapaki rumahnya sama sekali.
8. Setelah pamain tasabuik sukses memiliki ‘rumah’, maka pamainan berlanjut. inyo kembali malempa undas ka kotak 2, melompati kotak demi kotak, namun pamain indak buliah manapak di kotak 2 nan tadapek undas miliknyo.
9. pamain akan baganti jikok sosok nan sadang bamain mangalami kakaliruan. Misal, pamain malempa undas tapi indak masuak dalam kotak, atau undas manyantuah garis kotak. Undas tasabuik akan dilatakaan di kotak nan samastinyo (misalnya kotak 2), lalu pamainan dilanjutkan dek urang lain.
10. Urang kaduo, malempa undas ka kotak 1. Namun dek di kotak 2 ado undas milik pamain patamo, maka inyo indak buliah manapak di kotak tasabuik, harus langsuang ka kotak 3, tatap jo ciek kaki. Paralu diketahui lo, pamain patamo jo kaduo bisa se mampunyoi ‘rumah’ nan samo, dek undas nan dilempar di akhir pamainan mandaraik di kotak nan samo.
11. Pamainan taruih balanjuik sampai sado pamain sapakaik untuak maantianyo. Pamain nan mampunyoi banyak ‘rumah’ akan dinobaikan sebagai pemenang