Pamainan Ayam-ayam

Apo itu pamainan ayam-ayam?

Ayam-ayam adolah namo pamainan daerah Bengkulu, pamainan iko dinamoan ayam-ayam karano pas bamain si pamain maniruan suaro kokok ayam jantan. Pamainan iko dapek dilakuan biasonyo dek anak laki-laki yang barumua sakitar 8 sampai 15 tahun, karano wakatu untuak bamain iko malam hari, sadangkan padusi di pedesaan indak buliah kalua di malam hari. larangan kalua malam adolah suatu tradisi nan alah manjadi adaik kebiasaan, jadi kalau ado padusi nan kalua malam masyarakaik akan manegurnyo. Pamainan iko dilakuan sabanyak 12 atau sampai jo 16 pamain dan dibagi manjadi duo kalompok.

Aturan pamainan

Pamainan ayam-ayam ko mambutuahan salembar kain saruang biaso. saruang ko baguno untuak tampek ayam-ayam manyuruak, supayo indak nampak dek kalompok lawan. salain saruang untuak bamain iko paralu tampek yang bisa mambangun rumah, tampek tawanan dan bateh wilayah. yang ditandoi jo ciek garih manggunoan sapotong kayu. panjalehan tampeknyo bantuak iko, partamo buek garih pasagi ampek di dalam itu buek garih tangah sabagai Z atau sabagai bateh wilayah, sabalah kiri buek garih untuak kalompok A dan gari X untuak tawanan A, sabalah kanan buek garih untuak kalompok B dan garih X untuak tawanan B

Caro bamain

• mangumpuan sia nan nio bamain,
• sudah tu seleksi untuak mambagi kalompok jo basuit
• sudah tu siap-siap untuak mamulai pamainan,
• Kalompok A manjinjiang kain saruang dengan dilebaan ka sampiang dan pado saiak itu salah surang dari anggota A, siap untuak mangikuti perjalanan A. A taruih bajalan sambia manjinjiang kain saruang manuju bateh wilayah dan baranti labiah kurang satu meter sabalum bateh tasabuik
• dan diwaktu basamoaan kalompok B bantuak itu pulo jalannyo
• angggota pamain yang mangikuti di balakang A dan B disabuik ayam-ayam. dan pado waktu A sobok jo B, kaduo ayam-ayam tu diam-diam manyelinap ka balakang A dan B.
• untuak salanjuiknyo, A mamohon ka B supayo ayam-ayam B bakokok, amndanga permintaan A tasabuik, lalu ayam-ayam B bakokok, caro bakokoknyo bebas asal bunyi kokok tasabuik bantuak ayam jago.
• satalah mandanga kokok ayam tu, A akan manebak sia yang bakokok , kalau tebakan A batua, mako ayam-ayam B harus ditahan, kalau tebakan A salah mako ayam-ayam B baliak ka kandang
• dan misal kalompok A alah manahan 3 ayam-ayam dan B alun ado manahan ayam-ayam A, dan apobilo B batua manebak ayam-ayam A, mako A buliah indak di tawan, tapi ayam-ayam B yang di tahan buliah pulang ka kandang sabanyak ciek ayam. istilah dalam pamainan iko tuka manuka tawanan, jikok tuka manuka tawanan ko acok tajadi, mako pamainan iko akan balangsuang lamo.
• pamainan akan barakhia dan tau sia menang kalahnyo, jikok ayam-ayam salah ciek kalompok habis tatahan.