Pamainan Angguk Beruk
Disabuik Pamainan angguk Monyet karano pamain pamainan ko, katiko mantra dibacokan kapado urang nan marupoan pelakunyo, gerak tubuah jo parangainyo persis sarupo nan dilakukan monyet. Pamainan ko biasonyo dimainkan dek anak-anak katiko sadang bagarah-garah di siang hari atau katiko bulan sadang basinar (bulan purnama).
Palaku pamainan
[suntiang | suntiang sumber]Pamainan ko dimainkan dek minimal 3 urang anak dan samakin banyak anak nan mainkannyo, samakin rancak pamainannyo. Anak-anak nan bamainnyo masiang-masiang baumua antaro 6 inggo 11 taun dan dapek dimainkan dek anak laki-laki jo anak padusi.
Alaik pamainan
[suntiang | suntiang sumber]Untuak mangatur pamainan ko, indak paralu pakakeh, asalkan ado anak-anak nan nio manjadi palaku utamo, yaitu beruk-berukan.
Iringan Pamainan
[suntiang | suntiang sumber]Pamainan ko indak diiriangi jo iringan alat musik atau lagu dan sabagainyo, hanyo katiko mangatur pamainan ko, cukuik jo mambaco mantra nan babunyinyo sarupo iko:
Angguk beruk, sing-sing juara matahari, situlutui menjadi, menjadi beruk tunggal. Mit darakni keretak ngalahkan tiung cabi rik ubi, kayu sungkfil nunas sebidang bukuh, wat jelma luangan bangkai, diriku rang telimpuh.
Jalannyo pamainan
[suntiang | suntiang sumber]Caro jo caro maadoan pamainan ko adolah anak nan ka dijadian monyet tungga diduduakkan sabagai urang nan sadang sujuik sambia sumbayang. Tangan anak dipacik duo urang anak, surang-surang. Anak nan ka dijadikan monyet tungga tu manutup mato dan tangannyo diayunkan dek kawan-kawannyo. Sambia maayun-ayunkan tangan monyet tu, kawan-kawannyo mambaco mantra barikuik:
Angguk beruk, sing-sing juara matahari, situlutui menjadi, menjadi beruk tunggal. Mit darakni keretak ngalahkan tiung cabi rik ubi, kayu sungkfil nunas sebidang bukuh, wat jelma luangan bangkai, diriku rang telimpuh.
Sasudah mantra ko dibacokan, tangan anak tu dilapehan lambek-lambek - lahan lalu diinjak 7 kali. Lalu dibisiakkan ka talingonyo: alun-alun, akhianyo sambia lalu, anak nan mamijak monyet bujang tu bakato “dang aiku jadi jelma ki mak tegelari”. Kalau monyet bujang ko manjadi indak sadar mangaja kawan-kawannyo, manggigik, mamanjek kayu sabagai parangai monyet, kalau permainan ko alah cukuik lamo atau ado anak nan takuik kanai gigik, mako kalau kito sabuik namonyo mako inyo akan sadar baliak, mako sahinggo permainan tu salasai.