Kumpulan Carito Rakyat/Buayo Sungai Musi
Pado maso dulu, katiko Palembang masih sabagian gadang dikuliliangi rawa-rawa, daerah ko marupoan tampek bakumpuanyo buayo. Buayo-buayo ko indak hanyo ganeh tapi inyo juo mamangso panduduak nan sadang mandi, mancuci, atau mamanciang di tapi sungai.
Rajo Palembang pado wakatu itu, inyo basamo jo duo panasehatnyo, yaitu Panasehat Militer jo Panasehat Kasajahteraan, sadang mambahas baa caro manangani ancaman buayo di Sungai Musi ko. Penasehat Militer tu kamudian mangusulkan untuak manyusun sadoalah tantara karajaan nan paliang tageh ka tapi sungai untuak mambunuah buayo-buayo tu. Tapi, Panasehat Kasajahteraan manantang saran iko, inyo bapandapek bahwasanyo karajaan hanyo akan kahilangan tantaranyo nan paliang tageh. Inyo kamudian mangusulkan untuak maimbau salah surang tokoh nan bakuaso, nan dikenal sabagai dukun, dari nagari sabalah untuak manjinakkan buayo-buayo nan ganeh tu.
Sasudah baminggu-minggu manunggu dukun ko tibo, Rajo nan Mulia ko langsuang mamarintahkan dukun untuak manjinakkan buayo tu. Di tapi Sungai Musi, dukun tu mamulai ritualnyo jo babarapo isyarat tangan sarato malagukan mantra. Inyo lalu mambuang talua ka batang aia.
Mulai dari itu Sungai Musi aman dari buayo. Dukun tu kudian diagiah hadiah nan malimpah dek Rajo, nan mambuek Penasehat Militer bangih. Inyo lalu malakukan tipu daya nan dimukasuik untuak marugikan dukun tu. Inyo maajak dukun tu ka tapi Sungai Musi, jauah ka pedalaman dari pusat kerajaan.
Satibonyo di pedalaman, dukun tu malakukan ritual manjinakkan buayo nan biaso. Sabalun barangkek, Penasehat Militer mamulai tindakannyo jo mancubo mamprovokasi dukun tu untuak berang. Maraso diremehkan, dukun tu langsuang manapuak parmukaan aia tigo kali. Sakatiko, buayo-buayo nan jinak sabalunnyo manjadi ganas. Katiko dukun tu lah salasai, Penasehat Militer tu, jo kakuatan panuah, mandorong dukun tu ka buayo-buayo tu. Indak heran, dukun tu dimakan buayo-buayo tu dan dibunuah. Dek tindakannyo, Penasehat Militer dihukum dek Rajo.