Lompat ke isi

Kaba Tjurito Siti Sjamsiah/Siti Sjamsiah Lari dari Kampung

Tambah pautan
Dari Wikibuku

Siti Sjamsiah Lari Dari Kampung

[suntiang | suntiang sumber]

Alsi-alai tabang ka alai
tabanglah lah pipik duo tigo
kabalah lamo tabangkalai
kini divlang ulang pulo

   Gadang aia Pintjuran Landai
   tarandam batang puluik puluik
   tampak nan dari pandjadjaran
   bukan hambo tjadiak pandai
   ganti panggojang gofang muluik
   kok huntuang djadi paladjaran

Tambilang dirumpun langsek
tasisik dijijang lantai
dibilang sado nan dapek
nao tingga untuak ran pandai

Daogakan maleh dek tuan kerena tjurito urang dahalu dalam ranah kampuang Dalam kalau diliek maso itu negari alun sarami kini balun ado kureta api nagari rimbo maso itu ado saurang parampuan banamo siti Djamilah suami basamo Bagindo Baka.

Lorong kapago si Djamilah umua can baru tigo puluah tuo balua mudo talampau injo baranak duo urang anak sarupo anak balam — saikua batino saikua djantan nan tuo anak laki-laki banamo si Kaharudin dek mande sarik manyabuik disabuik sadjo pangka namo diimbau namo si Bujuang Karuik an ketek siti Sjamsiah barn baumua atam tahun oae two baumua sapuluah tahun.

Birauari siti Djamilah sadang duduak dihalaman duduak bamanueang manuang sorang hari nan sedang tangah hari sadang tabunta bajang bajang sadang linduang saliguri sadang litak litsak ajam sadang langaog uracg dikampung sadang rarmi urang dibalai tedanga ajam bakukuak bunyi ombak badasau-dasau.

Mandanga bunji nan bak kian laruik hati maso itu takana huntuang bahagian hiduik mularaik bakapandjangan bak bakain tigo heta dielo kaateh tasingkok kaki dielo kabawah tasingkok kapalo maliek djuo kalauik bunji ombak merusuah hati aia mato badarai.

Gadang aia di Sitjintin
tak dapek urang kapakan
banjak urang suko inisikin
nan labiah bana tibo dibadan

Si Amaik Sutan karunia
Sadang manjabik rumpuik
sadjak mulo laia kadunia
balun mantjubo sanang hiduik

Rami pakan Lipek kain
rami nan sampai patang patang
kunun bangsaik miskin
kurang tolong gunolah hilang

Aso Solok lah duo Salajo
tigo Padang djo Aua Duri
kalau batenggang djo nan kajo
badjariah dahulu mangko babari

Anak buajo dalam tabek
mati ditimbo rang Sitjintjin
sadang nan kajo bakiabek
baalah pulo suko misikin

Lapeh nan dari udjuang panden
handak mandjalang tapi pantai
takana huntueng malang badan
aia mato badarai darai

Sadang banjanji njanji sorang aia mato badarai daral susah hati maso itu biduik mularaik bakapandjangan depek pagi baolah patang dapek patang baalah pagi adang makan adang tidak badan kuruih kurang makan plkiran kusuik tiok indak ado bahati sanang bakain lakek dibadan babadju tamba tumamba diliek anak nan badua laruik tulang mamakiakan

nan labiah bano si Sjamsiah  muko putjek tidak badarah  mato tjakuang lihianjo pandjang  tulang didada elek dibilang  sarupo maik badjalan.

Kok ado urang manjarajo manjuruah mamipih makan karak babiak lorong kapado ibu djo bapak urang sapakan kaduonjo sarepo jJaku parangai samo pambangih djo pamberang tidak ado bamuluik manih kalau salah anak injo barapo arlak sipak tacadjang tangan lakek kekipun lakek aro man dapek dilatjuikkan dapek kaju kaju dirambabkan babidang badan kanai latjuik , tidak ado manarush ibo tidak ado manatuah santun samo pambangih djo pamberang malang anak nan baduo tidak bansaik ditangguangken tangan djo kski ditangguangan pulo, bak kerakok tustbuah dibatu - hiduik sagan mati tak namuah.

Duduak barampek ateh andjuang
singgah kabawah makan siriah
malang bana nasib si bujuang
nasi dimintak pangalan buliah

Ken ijo samaso itu huntuang malang si Bujuang Karutk antah kok hari tidak elok antah katiko nan buruek sadang batanak didapua macolong adiak upik Sjamsiah maambua ajam ateh pagu ajam gadang Bagindo Baka ajam pautan pamenan hati malompek ajam kepariuak nasi tatunggang kadalem abu abu  tidak ado nan elok lai sasi batjampus djo abu maliek rupo nan bak kian membangih si Bujuang Kacuik dirambah ajam sakutiko tibo ditusgku kapslo ajam patjah benak ajam nantun maambua ambuakao diri bak tjatjiang kapacesan matilah ajam sabanta ite maliek rupo man bak kian manjasa st Bujuang Karuik takuik kapado ibe djo bapak alamaik mati badan denai manangih injo katakutan hilang aka amab pikiran tidak tantu akan disabuik ‘kan ijo upik Sjamsiah manangih injo katakutan. diturnik bapak katapia pasia sadang maelo tali pukek di kabakan parasaian.

Lah malang kami baduo nasi ditanak lah tabuang-tabuang kadalam tungku tidak dapek diambiok lai tjilako ajam nan kuriak nasi dilendo ajam gadang kinilah mati ajam nan-

tun mati ditokok diadjo den bakato sadang manangih manggigia badan katakutan manangih taisak isak maalum injo padja ketek.

Mandanga kato si Sjamsiah_ sirah muko bapak injo mambangih bapak Sjamsiah sirah mukonjo kabangisan mano kalian nan baduo “anak tjilako kalian anak singiang ngiang rimbo anak mantijatjak anak mantjatjau ’ maliek bapak sadang mambangih maariak maantam tanah aso dimakan anak kaduanjo namuah mambunuh mati mati si Upik siti Sjamsiah balari mantjari Bujuang Karuik kakak kanduang si- Sjamsiah tampak kakak kanduang si Sjamsiah tampak kakak si Bujuang Karuik duduak manggigia katakuian.

Manolah tuan adio Karuik bapak kito sangaik mambangih kini matjari adjo kok dapek dibunuah mati mandanga kato nan bak kian bakato si Bujuang Karuik bakato sadang manangih manangiah taisak isak mano kau,upik Sjamstah elok pulang adiak dubulu denai lari dari siko mambao buntuang kamano pai dimaro sadjo garak Allah.

Luruih djalan kasikapak
basimpang djalan kamuaro
pado maresai dibunuah bapak
elok mati kadalam rimbo

Saruaso djo Rambatan
keduo pakan Patapajan
iko baru gadang badan
baojak manangguang parasaian

katonjo si Bujuang Karuik

Mandanga kato nan bak kian dipaguik lutuik dunsanaknjo manangih mangaruang pandjang hambo nan usak tuan tinggakan kameno tuan bambo manuruik tidak hambo babaliak pulang takuik djo bapak sarato mande hambo usah tuan tinggakan bawo kamano tuan pai ‘kabukik samo mandaki kalurah samo maourun satapak tidak hambo batjorai mati tuan mati bambo takuik batama ibu djo bapak tuan Iah tahu djuo lakek tangan bapak kito tidak dapek mamintak hampun bana tak buliah di sabuik kok lakek taradjang dibadan tigo hari tak pandai tagak

bapak njato panatk darah mande njato pambangih cambuik dikapalo ditjabuik ditjakiak lihia djo kuku pandjang sabalun pansan alun baranti tidak dapek dilaral urang urang melarai dikatoi katonjo si Sjamsiah mandangs catok adiak kanduang ibo batjarai djo adiaknio kok pulang sl Upik maso itu alamaik batjarai njao djo badan bekato si Bujuacg Kacuik kalau baitu kato kau upik elok badjalan kito kini sabalun bhatt patang bana.

Badjalan injo kaduonjo "badjalan balari lati andjiang" takuik dikadja bapab injo dituruik Jabuah nan gedang diturnik kamano hampu kaki" asa sabuik nak tarapuang "asa bata nak tabanam” disarahkan untuang pado Allah badjalan djuo batjapek tjapek badjelan baduo baradiak sabnah tidak nan dibao badjalan djo hempo tangan kok tibo haus badan diminum aia dalam banda lah tampak batang djambu manjirah buh dibatang dipitiah djambu nao rarebh dimakan djambu ubek litak duduak baduo dirumpun djambu.

Kan io samase itu alu utang didjalan diliek anak nan baduo babadju temba tumamba ruponio kursih kurang makan maliek parasaian ansk nantun ibo maliek urang non lalu disapo si Bujuang Karuik mangapo kalian diska apo mukasuik datang kamari katonjo urang tuo nantun mandanga kato nan bak kian bakato si Buiuang Karutk bakato beibo hati manolah anduang urang distko.

Kami datang dari djauh bapak djo mande tidak ado tidak ado njinjiak mamak.

Kok lai parimbo urang disiko
siang siangi malah padi
kok lai paibo urang disiko
tompasg tompangi malah kami

lakek daunnjo batang kinari
tumbuabajo ditapi dialan
sabab kami datang kamari
dibao huntuang djo bagian

mandanga kato si Bujuang Karuik leruik pikican urang nantun bakato rang tuo pantun mano kalian naa baduc hari su

kaju djago si Bujuang Karuik djago pulo si Slamsiah badjalan turun kasungai dibasuah muko anjo lai badjalan mamintak izin ijo kapado punjo rumah bakato rang tuo nantun usah anak badjalan dahulu nantikan nasi ditanak makan anak dahulu kan io si Sjamsiah ditolong mananak nasi lah sudab nasi ditanak disuruah makan kaduonjo dibungkuih pulo nasi dikampia untuak makan patang hari dibari pitih ampek uwang.

Badjalan bahati suko tidak tabado sanang hati bamiajak muko kaduonjo mamintak sukur pado Allah dapek tompangan urang panjantun guno djo apo akan dibaleh Allah sadjo nan tabu.

Badjalan lojo kaduonjo badjalan bariang iriang dituruik labuah nan pandjang tampak padati dari djauah padati kabau baatok kadjang badjalan bagageh gageh balari lari andjiang mangadja padati urang nantun dirlangkan padati dari balakang dek lamo lambek didialan bakato tukang padati diliek dipandangi sadjak tadi wa ang mvirlang dari balakang handak kamano kalian apo mukasuik badjalan djauh rantau mano kalian turuik katonjo tukang padati.

Mandjawab si Bujuang Karuik kami nan datang dari djauab mambao huntuang garak Allah sarahkan untuang ka nan satu handak kamano garan mamak bao manompang malah kami bao saitiang kami didjalan.

Mandjawab tukang padati kalau baitu kato ang turuikkan hambo dari balakang hambo nan handak ka Padang maribao karambia djo minjak manis lorong kapado adiak ang nantun badannjo ketek baru kakinjo lamah badjalan tenggekken sadjo dipaleh paleh dipaleh paleh nan dimuko mandanga kato nan bak kian sananglah hati si Bujuang Karuik didukuang adiak keateh padati disuruah duduak dimuko si Bujuang Karuik mairiang dari bawah ditolong maalau kabau nantun hari basarang patang djuo patang badjawek sendio sandjo badjawek dengan malam tapasang lantera padati kabau badjalan siang malam ado sabanta antaronjo lab nampak tjandonjo lapau jolah lapau parantian parantian padati surulk lalu to dipasa Lubuak Aluang.

Alah sudah kabau dibongka dipauikkan kabau dipasangan badjalan masuak kadalam lapau dibao padja nan baduo bakato rang lapau manolah adjo Hitam anak siapo adjo bao mandanga kato nan bak kian galak tasanjum tukang padati.

Mandjawab injo maso itu ikolah anak dapek didjalan injo nak pai marantau marantau ka tanah Padang ibu djo bapak tidak ada padja mularaik kaduonjo barilah nasi sabenggo sorang hambo mambajia hutang makan disanduakkan nasi kaduonjo nak kanjang injo makan urang lapau lai palbo lai panjantun djo urang dagang.

Alah sudah makan djo minum laloklah urang dalam lapau duo kali ajam bakukuak tjukuik katigo hari siang tadengu abang dari musadjik bunji abang maraju hati djagolah urang samuanjo ramilah lapau pagi nantun nan makan makan djuo nan mínum minum djuo buaji galak baderal darai bamatjam matjam patuturan mealum kato dalam lapau ka Atjeh babaliak bari ka Djawa barulang makan urang manimbang dilandarat injo mahukum dalam lapau.

Lorong kapado mak Hitam tukang padati ka Padang di pasangi kabau dipadati kabau badjalan anjo lai badjalan bairiang iriang bairiang sapuluah tkua babarih dalam labuah bak ulando pai parang satangah padati dari darek satangah datang dari Bukittinggi ado nan datang dari Solok samo sarangkek padjalanan manudju nagati Padang ado banjanji tjaro darek ado barabab djo basaluang bunji ganto tingkah

tingkah ganto gadang djo ganto ketek adang adang tadanga tinggi adang adang tadanga randah ganto maraju baibo hati nan labiah bana rantjak ganto ganto si Pono rang Padang Pandjang dek Jamo lambek didjalan lah tibo dikampuang tabiang barantilah padati samuonjo baranti malapeh arak dibari makan kabau padati disasokkan kadalam banda makan urang kadalam lapaw lapau gadang ditapi labuah.

Kan jo si Bujuang Karuik duduk bamanuang dilua duduak baduo djo adiaknjo maliek urang nan banjak diimbau makan kaduonjo ibo maliek padja nantun banjak nasi dibalikan dek ibo urang malieknjo ado Satangah mambari pitih.

Sanan bakato Radjo Medan mano kite rang padati sabatun hari patang bana elok barangkek kini kini nak lakeh sampei di Padang dipasangi kabau babaliak same badjalan samuonjo barapo katjikak garah garah ba ati gabuak kasamuonjo.

Alah sarantang padjalanan tiukuik kaduo rantang pandjang nak dituruik basarang dakek nan ditinggakan basarang djauah dek Jamo lambek didjalan tibo djuo di Padeng dipauikkan kabau dikatapiang kalau diliek maso itu kampuang nan rami di Muaro tampak belabuah kapa lajia taluak bajua balun ado alun bakampuang djawo Balai baru alun pulo nagari langang maso itu kalau diliek kota Padang balun Sarami nan bak kini tokoh nan tidak sabanjak bava — elok dibilang dengan djari rumah nan tidak barapo buah.

Lorong kapado si Bujuang Karuik duduak bamanuang duo baradiak maliek urang ditangah pasa pasa nan rami maso itu bamatjam matjam urang tampak Tijino Ulando dijo Kaliang tatjangang sadjo kaduonjo ah tarang injo urang kampuang indak matiek urang rami bak ajam diasak malam.

Bakato si Bujuang Karuik marilah kito badjalan djalan maliek pakan sangaik rami dibao adiak badjalan djalan dek urang banjak nav ibo anak ketek sangaik mularaik ado satangah mambari nasi ado pulo mambari pith panek badjalan kian kamari duduak injo dilapay nasi lapau nasi saogaik rami divanan info menompang lalok kaa lo si Bujuang

tidak pulo mahantikan tangan ditolongajo urang mambasuah piriang ditolongnjo mambalahkaju.

Lorong kapado si Sjamsiah ditolongajo pulo maruntiah lado mangubak ngubak ubi kantang apo disuruah injo pai tjapek kaki ringan tangan namun salero lapeh djuo dek elok mako rang sajang dek luruih mako rang ibo lah batuka badju nan buruak kalau dillek roman badan batambah baseri dipandangi lah tahu manjikek rambutk hilang kuruih badan dabulu rantjak roman dipandangi urang lapau batambah sajang nan labiah bana si Sari Anun folah bini dirang lapau injo nan tidak ado baranak Stamsiah disangko anak kanduang kain djo badju baganti ganti kan jo si Sjamsiah laku elok parangai rantjak kalau bakato dibawah bawah kalau batutua lunak lambuik.

Birauari si Bujuang Karuik badjalan djalan patang hari maliek rumah nan rantjak rantjak sanan tatagun ditapi labuah maliek rumah rantjak bana rumah batu bapintu tjamin balaman banjak bungo bungo heran tatjangang si Bujuang Karuik adanga suaro dari dalam manjuruah masuk si Bujuang Karuik bakotolab urang pu dituruik si Bujuang Karuik orang nantun Djo rumah mano ang Bujuang bari luruih bambo batanjo datang dimano wa ang Bujuang apo mukasuik datang kamari katonjo urang nantun.

Mandjawab si Bujuang Karuik hambo sangko rang Patiaman mukasuik bambo mantjari karadjo apo karadjo hambo turuik asa paruik lat barisi mantjari pungguang indak basaok" mandanga kato anak nantun ibo maliek padja pantun tek sangaik misikin bakato urang gantun karadjo nan ringan ringan anak keelok disiko ang ba- karano wa ang balus gadang dibari karadjo nan ri- katonjo urang nantun lakeklah pangan ringan panolong urang dirumah hari sahari hari itu dituka badju nan buruak kalan sagalo baru diguntiang rambuik dikapalo lorong kapado dirumah nangko iodak buliab bapakaian kumush digadji sí Karuik tigo ringgik tigo riaggik dapek makan itu gadjlojo sabulan lorong kapado urang nantun induak samang si Bujuong Karuik tuangku Djasa Lembang Alam rang Padang elok bati.

Kan io si Bujuang Katuik sadjak karadjo djo angku Djasa badan tidak kuruih lai batilab sanang pikiran sadjuakiba rubah muko dari dahulu pakaian batuka tiok hari lorong kapado karadjonjo apo disuruah angku Djasa kadang kadang pai kapasa mambali lado garam.

Kan io si Bujuang Karuik apo karadjo hati hati tidak pandai balalai lalai karadjo radjin sangaik sungguah alun disuruah alah pai balun ditagah alah baranti sajang urang nan sarumah tidak ado mamakan tjatjek apo karadjo salasai sadjo anak ketek tabu dihuntuang tidak ado udju djo sombong kalau bakato bana bana sangaik luruih himat balandjo.

Kalau pandai bakain pandjang
labiah saelok kain saruang
kok pandai bainduak samang
labiah saelok dunsanak kanduang

Kaju dama rapuah tangkai
diambiak usah dilongkahi
luruih bana kalau dipakai
salamaik badan kama pai

Kapa balajia ka Indogiri
balabuah tantang tangah laulk
kaba baraliah hanjo lai
kapado bapak si Karuik

Birauari bapak Karuik muko Kebangihan ditjari anak kian kamari ditanjokan kapado urang surang tidak kamari kok dapek anak nantun alamaik badan akan marasai nan tabu sampai samalam malam hari kamari kok dapek anak nantun alamaik badan akan marasai diliek djuo ajam nan mati ajam pautan sadjak ketek banjak urang akan mambali barapo hargo tidak ditimbang haram mandjua ajam nantun labiah ssaajang anak kanduang

Kalau diliek mandenjo si Bujuang Karuik nasi taserak masuak abu tjiek tak dapek diambiak lah njato bareh basalang kini tabuang masuak abu namuah mantjakiak sampai mati tak guno anak dihiduik-i hari nan sahari nantun anak kian kamari surangpun tidak ado nan tahu alah sahari

duo hari anaknjo pai badjalan antah kapasa Lubuak Aluang antah kadarek Bukittinggi antah dilariken Sibunjian antah mati dirimbo gadang raso tampak anak pantun raso diruang ruang mato takana bana maso itu tibolah itu djo kasihan hilang kamano garan anak.

Tjintjin banamo ganto sori
sasuai sadjo dikalingkiang
hilang kamano kaditjari
lautan sadjo bakuliliang

Anak den siti Sjamsiah kaduo si Karudin kamano kalian badjalan lauik sati rantau batuah antah bakubua dalam rimbo antah mati anak kanduang mande djo sia anak tinggakan acok diruang ruang mato lorong kapado Bagindo Baka bapak kanduang siti Sjamsiah tamanuang Manuang surang anek kanduang kaditjari kok pulang anak kanduang den ubah laku parangai anak tidak den berangi.

Diambiak dari "https://min.wikibooks.org/w/index.php?title=Kaba_Tjurito_Siti_Sjamsiah/Siti_Sjamsiah_Lari_dari_Kampung&oldid=322"