Kaba Tjurito Siti Sjamsiah/Si Karadin dibawo ka Palembang

Si Karadin dibawo ka Palembang

Fasal II

Tidak guno dirandang katjang
elok dipilieh tjiek tjiek
diambiak sadjo nan babungo
indak elok dirantang pandjang
elok dikumpa nak njo singkek
diambiak sadjo nan paguno

Biruari Bujuang Karuik lah anam bulan bakaradjo djaksa pindah ka Palembang barisuak injo badjalan balajia djo kapa api kan io si Bujuang Karuik dek elok laku parangai sajang djaksa pado injo dibao pindah ka Palembang dituruik adiak kanduang kalapau Sari Anus bakato anaknjo Bujuang Karuik manolah uniang Sari Anun lorong kapado badan hambo dibao pindah ka Palembang manuruikkan Djaksa Lembang Alam

Halaman 14

gadji batambah anam ringgik.

Baa pikiran uniang mamintak sipaik djo pitundjuak karano hambo anak ketek aka kurang pandepek kurang kok elok hambo turuikkan sabab baitu kato hambo bapak djo mande di uniang sorang tampek mangg-ntungkan paruik tampek manampakan sajok katonjo sí Bujuang Karuik mandjawab Sutan Pasísia laki dek Sari Anun mano ang Bajuang Karuik elok ang turuikkan angku Djaksa pallah ka Palembang kami lapeh djo hati sutji luruih bana waang pakaikan nak sajang tuangku Djaksa tambahan pulo diang Bujuang himaik babalandjo simpan pitih tiok bulan kok untuang pambarian Allah dapek lah kapokok manggaleh dapeklah kadaian nan elok sabab mako nan bak kian tidak nan kajo makan gadji kunun awa ang tukang kabun djadi suruhan angku Djaksa aka singkek pikiran pendek pangana kapado gadji sadjo mandanga kato Sutan Pasisía disimakkan sadjo dalam hati dibuhua dikabek harek sanan mandjawab sí Bujuang Kacuik.

Lorong kapado nasehat mamak hambo patjik ganggam taguah kalau satitiak dilauitkan kalau sakapa digunuangkan bakato si Sari Anun sabuah pitaruah ka ang pakai kok tibo ang diainan usah lupo mangirim surek sakali sabulan kirim djuo supajo sanang hati kami tantangan adiak ang si Sjamsiah usah tjameh pado kami elok buruak ditangan kami kami sangko anak kanduang katonjo si Sari Anun mandjawab si Bujuang Karuik.

Lorong kapado si Sjamsiah anak uniang bakato uninang tasarah kapado uniang djo mamak elok buruak mintak digang gam mudjua uniang mangamehi kok tidak uniang djo mamak alamaik tabuang badan kami guno djo apo kami baleh.

Bakato uniang Sari Anun elok elok dirantau urang batutua dibawah bawah lurus dio bawa kadipekai katonyo si Sari Anun mandiawab si Bujuang Kuruik lorong kapado adjaran uniang kalau malam kakalang bulu diikok siang dipatuogkek" mano kau up k Sjamsiah elok elok adiak tingga.

Insjak Allah lakeh palang turuikkan pangadja uniang djo mamak pandai pandai mandjago badan mandanga kato dunsa-

Halaman 15

naknjo manangih si Sjamsiah aia mato badarai darai ibo batjarai djo tuannjo kan io si Bujuang Karuik ibo batjarai djo adiakojo balinang-linang aia mato ditahan hati rusuah rantau djauh kadituruik bilo masonjo kabatamu.

Lorong kapado angku djaksa dilelang segalo pakalan rumah balak medja djo kurisi sarato almari tjamin gadang habih talelang samuanjo tidak tahetong banjak barang.

Ajam kuriak babulu bangkeh
dibari batali duo
dikumpa kaba naknjo singkek
diambiak sadjo nan paguno

Padang Pandjang djo Malalo
kaduo Tandjuang Pandai Sikek
dirantang badjelo djelo
dikumpa nak ajo singkek

Birauari si Karudin duo tahun di Palembang dek himaik balandjo tasimpan pitih dalam tabuang mukasuik dalam hati taniaik sadjak dahulu handak manggaleh baniago ditjubo huntuang nan bak urang salamo mularaik koknjo sanang tatapi sungguah nan baitu takuik manjabuik ka Angku Djaksa kok salah raso pambarian.

Diukia ukia saruang padang
disimpai mako dipaluik
dipikia pikia duduak surang
raso kanai gandjua suruik

Ditjari hari nan baiak jo katiko nan elok dituruik djuo Angku Djaksa bakato balambek lambek kapado Angku Djaksa manoleh tuanku Djaksa lorong kapado diri hambo sudah naik sadjak dahulu handak manggaleh baniago itu tatjinto dalam hati angan angan siang malam tjito tjito nan manggaleh ditjubo manggaleh nan bak urang itu bana hambo katokan katonjo si Bujuang Karuik katonjo tatahan tahan patah lidah barundiang.

Lorong kapado Angku Djaksa urang arif bidjakasno sudah maalum dalam hati bahaso si Karuik pandjang pangana tahu