Kaba Tjurito Siti Sjamsiah/Si Bujuang Karuik babini

Si Bujuang Karuik babini

Fasal V

Didulang sadulang lai
pandulang ameh balingka
diulang saulang lai
pandjapuik kaba nan tingga

Kaba baraliah hanjo lai sungguah baraliah sanan djuo buraliah kapado si Bujuang Karuik sadang bakadai di Palembang kadaian ditapi batang aia ditapi Sungai Musi tampaik urang lalu linteh kadaian rami tiok malam tidak taumbiak ambiakkan datang kawannjo Sutan Zainuddin kawan sahati samo gadang duduak batandang dalam kadaian.

Maliek banjak djua bali sanan bakato Sutan Zainuddin mano ang Bujuang Karuik kalau diliek den pandungi tasasak waang djua bali elok ang taruah anak samang buliah disuruah disarajo paunji kadaian kalau badjalan katonjo Sutan Zainuddin

¹⁾gubernur djenderal

Halaman 26

Salasiah djatuah kalubuak
tibo dilubuak patah tigo
kasiah sajang djolong basusuak
mambajang sampai kamuko

Birauati si Karudin bagala Bagindo Karudin sadjak babini djo Saudah tidak asak dari rumah kasiah tadorong kepado saudah apo kandak dibalikan bak manatiang minjak patuah sungguah baitu sajang lakinjo Saudah tidak taman djo mandjo sangaik haromat kapado suaminjo tidak pandai bakato dareh radjin karadjo patang pagi pandai manenggang suaminjo elok patuturan kaduonjo rasaki batambah murah sanang hati Karudin.

Alah satahun sudah nikah hiduik basuko kaduonjo tidak do silang salisiah kan io siti Saudah badan tidak sanang lai apo dimakan apo muntah hati buruak indak manantu hilang aka Bagindo Karudin mangasuang kapado mandeh Saudah manolah mande kanduang hambo lorong kapado Sasudah hari nan sapakan nangko hatinjo samak2 buruak kadang kadang makan adang adang tidak badannjo tidak lamak muntah muntahi sadjo sagalo busuak dibauninjo sakik ruponjo si Saudah mandanga kato Bagindo Karudin galak tasanjum mandenjo.

Kalau itu Bagindo tanjokan alamaik Saudah dalam baban io didalam babadan duo alamaik Bagindo dapek pamenan tando Saudah dalam hamil dalam manganduang tigo bulan mandanga kato nan bak kian sukolah hati Bagindo Karudin sadjuak rasonjo kito-kiro Sanang rasonjo paratian mandanga Saudah dalam hamil kok dapek anak laki laki buliah paunji-unji kadaian diasuah sikotah djo mangadji,

Salamo Saudah dalam baban tidak batjarai djo mandenjo sampai bilangan sambilan bulan tjukuik bilangan panuah taraso'ah panek pasandian lameh sagalo kaki tangan makan tidak minumpun tidak mukonjo putjek tidak badarah tiduo djago kalua kasah maliek rupo nan bak kian hilang akanjo mande kanduang sampik pikiran maso itu banjaklah urang nan manganduang tidak sapajah si Saudah manangih sadjo siang maam hilang aka Karudin banjak dukun nan maubek djauah

Halaman 27

hampia dituruik djuo usah panjakik akan siaik batambah abih anjo lai.

Kan io siti Saudah tidua tatilantang tangah rumah aia satitiak tidak lalu injo malieh sadjo kasuaminjo tidak lapeh mato mamandang diampia-nojo si Saudah duduaklah suaminjo tan babisiak metang badano dirangkuahnjo libia si Kerudin babisiak mintak ma'af kito batjarai anjo lai sampai disikolah baru pabauran ma'af dituan apo nan salah tinggalah tuan elok elok hambo barpulang kaadrat Allah digigikajo tangan si Karudin kaganti salamaik bapisah kato sampai adjalah sudah.

Matinjo tanang elok sadjo maliek rupo Saudah dirameh paruik manahan hati kalam nagari dipandangi babega alam tampek tagak aia mato badarai darai tidak malu kamiluan nan labiah bana mande Saudah manangih mangaruang pandjang bunji ratok babuah buah anak den si Saudah anak Saudah anak saurang tungga babeleng djo siapo mande ditinggakan djapuik dianak kini djuo indak guno biduik didunia.

Surau baureh mato diariang
kakida djalan pakan Akat
pakanojo rami tangah hari
sakik mande ngilu paniang
siapo urang ka ubek
badan tabariang saurang diri

Kan io mande Saudah pangsan injo maso itu tidak tahu didirinjo dipapah urang kadalam biliak kan io urang nan banjak sabalun hari patang bana elok sugiro kito mandikan banjak urang manjanguak alah sudah dimandikan kapan batjabiak anjo lai dek elok aturan dagang Padang urang sapakat samuonjo sagalo rantau urang minang tidak ado nan tidak datang ado mambao kain kapan ado pitih babilang gadang ketek tuo mudo samo datang samuonjo dek banjak urang maso itu salasailah pusaro si Saudah.

Hari samalam malam itu mangadilah urang dalam rumah mambudjuak bati nan tingga kan io Bagindo Karudin kasan manahan hati rasa katadjun kasungai musi tidak tantu kadituruik bagojang alam tampaik tagak tak guno hiduik maso itu

Halaman 28

Dimano djawi nan kakanjang
bagubalo ditapi ngarai
dimano hati nan kasanang
sadang kasiah badan batjarai

Luruih djalan ka Pajakumbuah
salasiah betimba djalan
dimano hati tidak karusuah
sadang kasiah Saudah badjalan

Gadang aia Sungai Batang
tarandam batang saliguri
disangko paneh sampai patang
kironjo hudjan tangah hari

disiang tidak tasiang
tiok disiang tumbuah djuo
dirintang tidak tarintang
tiok dirintang rusuah djuo

Susah hati Karudia duduak bamanuang manuang sorang tabajang rupo Saudah tabajang galak geleng mato raso mahimbau-himbau djuo tamanuang dibatang aia maliek biduak hilia mudiak raso disulami Sungai Musi nak samo hilang djo Saudah sadang bamanuang manuang sorang datang kawan-njo Sutan Zainudin bakato sadang bapantun

Babiduak usah badajuang
badajuang badai kok tibo
duduak usah bamanuang
bamanuang sansai kok tibo

Mandanga kato nan bak kian takadiuik Bagindo Karudin diengo tjando kabalakang kironjo Sutan Zainudin mandjawab Bagindo Karudin

Babiduak mangko badajuang
nek Jakeb sampai kasubarang
dudusk mangko bamanuang
balain huntueng dari urang

Halaman 29

mandaki bukik basaresah
mandaki sadang tangab hari
banjak weang nan susab
balabiah bana dibadan diri

Katonjo Bagindo Karudin bakato babibo hati mandjawsb Sutan Zainudin

Urang Padang mandi barampek
tapidjak tapi kainnjo
nan hilang indek kadapek
tjarl nan lain kagantinjo

mandjawab Bagindo Karudio

Sapuluab kali den ganti
namun babanang banaog djuo
sapuluah kali den ganti
namun nan hilang takana djuo

mandjawab Sutan Zainudin

Balajia kapa dari Djudah
bao kapulau bilang bilang
usab dituruik hati susab
bao bagurau nakajo hilang

Mano ang Bagindo Karudin den liek Bagindo dipandaogi sadjak mati bini bagindo hati nan tidak elok Jai Gindu turuikkan dajo iblis alamaik kasansai badan kito sudo takadia garak Allah urang diambiak nan punjo sudah suratan maso dahulu kito nan hutang mandjalankan kan io Sutan Zainudin basamo gadang basatu hati kalau rusuah datang mambudjuak tagamang datang mandjawek urang kajo baiak budi gadang tokonjo di Palembang anak rang kampuang Sulit Aia mari koto badjalen badjalan djalan ka Batawi maliek kota nan rami mandanga kato nan bak Kien mandjeweb Bagindo Karudin asa rasuah lai tapudjuak kamano sadjo kato Zainudin hambo nan tidak manumpang hari Salasa_kapa berangkek tidak lamo kito disinan ganti maliek nagari Djawa.

Halaman 30

Lah sudah kato mupakaik barisuak hari ka Salasa badjalan budjang nan badua dibao kopor tfiek sorang panuah batisi pekaian dek jamo lambek didjalan tampak kapa dari djauah kapa api katasah Diawa handak manudju Pasar Ikan dek elok langkah kaduonjo. satu tiba diateh kapa kapa sugiro mambongka sauah malanguah kapa hanjo lai tando mambari salamaik tingga diliek urang sanjaik banjak bamatjam matjam banso urang ado Kaliang djo Ulando sarato Tjino urang Arab kapa balajia dalam sungai.

Diliek suok djo kida tampak baririk rumah urang biduak sarupa sabuak tarapuang hari nan sadang paneh pagi sangaik raotjak pamandangan ado sabanta antaronjo lapeh kalanik kapa nantun fauik lapeh tidak basawang dilamun ombak suok Kida kapa balajia siang malam tampak tapi pulau Djawa mangkin hampia mangkin djauh tampek labuhan Pasar Ikan mamutiah gudang kalihatan maliek rupo nan bak kian sananglah hati Bagindo Karudin.

Marapeklah kapa ka anggar sibuiklah urang nan banjak iruak pikuak maso itu kareta api badantjangan tidak tantu kadidanga raso kapatjah anak talingo bamatjam matjam kapa nan datang sarupo sampan. di Palembang Pasar Ikan labuhan ketek sagalo kapa ado disanan lah turun urang nan banjak turun pulo Sutan Zainudin baduo djo Bagindo Karudin badjalan bairiang iriang ditjati bendi balakang tasiun pai karumah kawan Luar batang sahabaik lamo Sutan Zainudin lah duduak ateh bendi kudo dihalaw lari kantjang masuak lorong kalua lorong kadaian baririk suok kida salo manjalo rumah.

Kalau diliek bendi padati tidak putuih ditangah labuah tatjangang sadjo Begindo Karudin sagalo bangso ado disanan dek lamo lambek didjalan tampak rumah tampaik manompang turunleh injo kaduonjo diandjua rumah kawan injo diimbau badareh dareh saurang tidak nan manjauik hilang aka Sutan Zainudin hari barembang sandjo ditokok pintu dari lua kan io samaso itu kalua urang mambukkan urang dalam rumah katonjo Sutan Zainudin mananjokan rumah guru Djubir mandjawab urang punjo rumah.

Lorong kapado guru Djubir injolah pindah dari siko io

Halaman 31

Ka Malang Djawa Timua mandanga kato urang santun susoh hati Sutan Zainudin harilah barembang sandjo tapasang lampu tangah djalan bendi padati pakai leatera rang baniak !alu linteh diliek urang van banjak saurang san tidak bakatahuan lain urang asiang awak lapau tidak tampaik bamalam kamano badan tampaik manompang hilang aka kadvonjo badjalan djuo tapi labuah kati nan samak samak ragu hari sadang laruik malam diliek urang baransua langang susahlah hati kaduonjo tidak kamano tampaik bamalam kok tibo polisi dituduah di tjemo urang maliang alamaik sangsaro badan salaruik iko tangah malam dek huntuang takadia Allah tibo. Kampung Lua Batang dalam daerah Pasar ikan ado saurang parampuan parampuan tuo urang Batawi sanan batanjo urang nantun mano rang muda nan baduo apo mukasuik dalam hati mako duduak lah disiko hari lah laruik tangah malam kataraso rang tuo nantun mandanga kato nan bak kian mandjawad Bagindo Karudin.

Kami nan bukan urang disiko baru tibo dari Palembang ditjari rumah kawan kami kironjo pindah dari siko hilang kan tampaik bamalam tidak ado karib kabia ibo mande pado kami cari manompang badan kami, tompang bamalam malah di rumah mande katonjo Bagindo Karudia bakato baibo hati tambahan pulo dimande.

Kok lalu upeh polisi kami ditjema urang maliang man danga kato nan bak kian diliek rupo dipandangi tampan rupo urang elok rang barasa baiak baiak ibo maliek rang mudo nantun kalau baitu kato anak turuikkan malam badan kami bamalam dipondok hambo mandanga kato urang nantun sananglah hati kaduonjo dituruik rang tuo dari balakang. Ado sabanta antaronjo tampak rumah mande nantun disuruah masuak kaduonjo diliek tampek bamalam rumah balantai tanah disuruah lalok dipaleh paleh paleh paleh dari aua rumah rang Batawi tidak ado pakai baumeh kato si Suta Zaenudin sarato Bagindo Karudin sanangleh hati kaduonjo sadjuak pikiran maso itu dek elok baso punjo rumah apo kadibaleh dek mato sangaik maogantuek lalok baekh kaduonjo lah tinggi hari baru tadjago tadanga lalu lalang didjalan paneh manjinsiang karumah.