Kaba Tjurito Siti Sjamsiah/Pulang kakampuang

Pulang kakampuang

Fasal VI

Birauari Bagindo Kerudin sananglah hati maso itu sadjuak pikiran sakatikotu kalau diliek razaki dapek sadjak manggaleh di Palembang lah kajo Bagindo Karudin tokoh sabuah di Palembang ‘penueh barisi barang barang lah kajo Karudin kok tibo dikampuang barapo sanang hati ajah mandapek tjutju parampuan bush hati pangarang djantuang sidingin tampa dikapalo anak barumua duo tahun sadang njanjang dipangkuan sadang lesek dalam dukungan pandai batutua tHiek tjiek roman rantjak badannjo sembok.

Kok sampai dalam kampuang dibuekkan tumah nan elok rumah papan baukia ukia dipagangkan sawah ajo ladang sara-

Halaman 37

to parak karambia mande duduak djo sukatan den sanangkan bapak djo mande kadang kadang bahati tjameh koklah mati bapak djo mande kamano badan ditompangkan adiaklah lamo tidak batamu antah lai antah tidak takana adiak kanduangajo ibo hati sampik pikiran bamatjam matjam tibo pikiran sadang duduak sorang diri maliek djuo kalauik lapeh hati didalam taraso sanang raso ditulak kapa ka Padang ibu djo bapak diruang mato dek lamo lambek kapa balajia kamanampuah alun ombak gadang.

Lapeh nan dari Selat Sunda handak mandjalang Bangkahulu kapa balajla siang lapeh nan dari Bangkahulu masuaklah kapa ka Taluak Bajua Taluak Bajua baru sudah marapeklah kapa kadaratan.

Sananglah hati Bagindo Karudin dibao kopor turun kadarek kopor gadang tigo buah panush barisi kain badju sarato pitih barang ameh dinalak-i bendi duo buah panuah bendi kaduonjo bendi badjalan balari kantjang alah tibo di Padang manompang dilapau nasi kan io Bagindo Karudin bari pan sahari nantun gilo mantjaliak adiak kanduang adiak kanduang siti Sjamsiah dituruik dikampuang Berok io Muaro batang Arau diliek pasa maso itu pasa langang kampuang langang bak nagari dialahkan garudo.

Sunji sanjap maso itu pasa baraliah kakampuang Djao balai baru disanan pasa nan rami dituruik kaalang laweb karumah mande Sutan Pasisia dituruik ditanjokan bapak Sutan Pasisia laki dimamak Sari Anun balapau dimuaro.

Sanan bakato urang nantun lorong kapado Sutan Pasisia sadjak lapaunjo tapanggang habih tabaka dimakan api injo marantau ka Medan dibaonjo siti Stamsiah ruponjo udo Sutan Pasisia duo tahun tingga di Medan injo mati ditanah Medan disanan tanah nan mamintak.

Lorong kapado si Sjamsiah injo pai ka Batawi manuruikkan Ulando djadi babu mandanga kato san bak kian manangih Bagindo Karudin ala mato gurah gumarai mandanga parasaian adiak kanduang sadjak dirahim bundo manaruah parasaian tiok bari tidak ado nan manaruah sanang sudah hun-

Halaman 38

tuang djo bahagian kan io samaso itu bulek pikiran pulang kakampuang pulang kakampuang kahilaman ditjari bendi duo buah barapo seoajo tidak batupang asa sampai ka Piaman.

Kan io samaso itu alun kureta nan bak kini balun ado kureta api banjo bendi baroda basi dibelo kudo duo ikua dapek beodi Radjo Mudo bendi baru kudo balang sabuah bendi mak Hitam bendi gadang bakudo putiah saikue lai kalupak djantan dipasang kudo baganti ganti saikua maelo bendi nan sakua manuruik dibalakang ado dipasang sakali duo djalan djauah kadituruik dek lamo lambek kudo balari kudo balari sangaik kantjang tibo bendi di Lubuak Aluang kudo baranti dipamalaman.

Karano barilah barembang sandjo bamalam iojo dalam lapau lapau rami tok hari parantian urang lalu linteh parantian bendi djo pedati urang rami didalam lapau iruak pikuak maso itu namun nan makan makan djuo ado maundjua malapeh panek lah laruik malam mangkonjo lalok baru sunji dalam lapau tadanga bunji karuah urang duo kali ajam bakukuak tjukuik katigo hari siang lah siang tjandoajo bari murai bakitjau ateb kaju djagolah urang dalam lapau pai kasungai tampek mandi alah sudah minum djo makan bakatolah Ma Hitam kuşla bendi.

Manolah tuan Bagindo elok barangkek kito la! sabalun hari tinggi bara mandanga kato kusia bendi masuaklah bendi katigonto sarato dengan barang barang kudo dilatjuik balari kantjang balari dabulu-mandahului labusb rantjak data pulo kan io Bagindo Karudin maliek djalan ka Piaman djalan diapik batang karambia takana parasaian maso ketek takalo lari dari kampuang baduo djo adiak kanduang takana adiak balahan raso tampak muko djo roman aia mato gurah gumarai laruk pikiran manganakan bilang kamano adiak kanduang manjasa adiak ditinggakan elok den bao pai lari dek buruak huntuang dio bagian batjarat d'o adiak balaban badan hilang tak tantu rimbonjo mati tak djaleh kubuanjo.

Tjistila basamo ganto sori
SBsual sadjo di kalingkiang
bilang kamano kadítjari
lautan sadjo bakuliliang

Halaman 39

Balajia kapa ka Bangkahulu
balabuah tantang pulau Pagai
takana Parasaian nan dahulu
ata mato djatuah badarai

Sadang duduak ateh bendi maliek sadjo katapi lauik ombak mamatjah ditapi pantai bunji ombak baibo hati dek lamo lambek didjalan hampia katibo hanjo lai tampaklah rumah mande kanduang tampak djauah ateh bendi hati nan harok harok tjameh harok basuo djo mande kanduang tlameh tidak kabatamu sungguahpun baitu kantjang bendi raso lambek di Karudin raso ditulak nak lakeh sampai batamu djo bapak mande antah batamu antah tidak kampuang lah lamo ditingakan anguih djantuang dek taragak lah tibo bendi dihalaman baranti bendi kaduonio turun tjando Bagindo Karudin diliek suok djo kida tampak bapak dari djauah tampak pulo mande kanduang.

Sanang hati sadjuak pikiran diliek mande lah tuo rambuik nan hitam alak putiah djangek nan tagang lah kandua hito maliek ibu djo bapak dituruik mande maso itu manoleh mande kanduang hambo iko'ah anak mande kanduang babilang musim tidak pulang maliek rupo nan bak kian heran tatjangang si Djamilah mato lah baransua kabua djuo dipandang ditantang njato didanga suaro djo tampan baru tahu djo anak njo sanan bakatolah mande Karudin.

Anak kanduang Bujuang Karudin lah gadang anak kanduang hambo mande lah tuo hang tinggakan dipaguik anak ditangisi aia mato badarai darai bak maniak putuih talinjo bak intan putuih pangarang dibao pulang karumah rumah batambah usang sarupo pondok buruak laruik pikiran malek malang bana mande djo bapak mabuak dibuntuang parasaian tidak ado manaruah sanang hiduik mularaik sampai tuo.

Ado sabanta antaronio tibo pulo bapak kanduang monobang Bujueng Karudin kini malah awa hang pulang lah putiah mato mamandangi sadjak ang badjalan dari kampuang kami nan tidak elok lai rintang rintang sakik sadjo mano adiak si

Halaman 40

Sjamsiah io si upik si Sljah dimano hang tinggakan mangapo tidak hang bao bari luruih hambo batanjo lai hiduik injo kini awak bang baduo badjalan kini pulang surang sadjo mandanga kato bapak kanduang manangih si Sarinam manangih mangaruang pandjang manggigia manahan hati.