Kaba Tjurito Siti Sjamsiah/Partamuan

Partamuan

Fasal VIII

Manolah bapak djo mande ikolah anak man denan banamo si Sjamsiah takalo kami maso ketek aka kurang pikiran pun singkek kami badjalan djo adjo Karudin sampai kami katanah Padang hambo manompang djo Sarianun padusi bapak Pasisia tantang dari adjo hambo tuan kanduang adjo Karudin injo karadjo djo angku Djaksa sampai dibaonjo ka Pa- lembang.

Sadjak salaruik di Palembang sakali sadjo mandapek surek sampai kini tidak ado malang takatjak dibadan hambo lapau tabaka dimakan api tabaka pasa kampuang Berok rumah babih mandjadi baro labiah sabulan tidak balapau dibao hambo katanah Medan ditjurai dipapakan samuonjo sampai mati Sutan Pasisia mati dirantau nagari Medan.

Lorong kapado uniang anun bini dek bapak pasisia sadjak lakinjo mati tabaliak pikiran maso itu takana mudo maso dahulu gilo bamain djo budjang budjang tidak ado tingga dirumah hambo mintak mandjadi babu babu Ulando ka Batawi dibaonjo hambo katanah Djawa limo tahun hambo di Batawi aradjo mandjadi bahu Ulando.

Takalo njonja ka Banduang tingga hanjo kami baduo hambo dipudjuak Ulendo mantun disuruah balaku serong diadjak balaku djabek matonjo dipaliangkan setan hatinjo lah didajo Iblis lakunjo sarupo musang djantan hambo dipaso djo kakarasan dipakok arang djo tangannjo untuang dapek pisau tju-

Halaman 41

kun pisau tadjam sudah pambukau hambo keroh paruik gadangnjo hambo turiah sampai kabalakang kalua paruik pandjang badan balumua dengan darah sorangpuo tidak urang nan tahu.

Hambo badjalan balari tapek sampai karumah mak Sariahurang sibuik mantiari hambo upek polisi kota Batawi bambo tukari namo hambo banamo si Sarinam supajo pamarentah tidak tabu kampuang dialiah ka Djiawa Timua hambo pandat bakhaso djawa hambo ditolong mak Sariah diakui anak kanduang injo sorang tidak urang tabu babaso hambo urang Minang urang manjangko urang Djawn sampai balaki djo Bagindo Karudin.

Tidak den sangko dunsansk kanduang kato sampai injopun pansan§ tidak tahu didirinjo karanc manahan hati mandanga tjurito siti Sjamsiah tatjangang Bagindo Karnudin mandingin badan maramang kuduak ruponjo Sarinam adiak kanduang balaban diri ruponjo takawini diadiak kanduang.

Lah malang bana badan diri tapatjak paluah badan psluah malu kamiluan kok tahu urang kampuang babaso babinidjo adiak kanduang badan bagala Baginjo Rutiang.

Tidak alu saalu oantun
alu tasanda ditabiang
kok tasanda dibatuang
buliah disaok djo daun tabu
tidak malu samalu bangko
malu tatjoreng dikaniang
kok tatjoreng dipungguang buliah
disaok-i djo badju

Tanah lijek bakapijek
diimpok tanah badarai
babaua djo tanah lunak
tidak diliek lah diliek
tidak dirasal lab dirasai
urang kawin badunsanak

Halaman 42

Bumi dipidjak caso taban langik didjundjuang raso runtuah lorong kapado tbu bapak tatjargang sadjo kaduonjo  tidak dapek akan disabutk bana hilang skapun hilang sudah takadia garak Allah suratan dirahim bundo. Kan io mak Sarijah urang tjadiak sadjak dahulu biaso tingga dinagari rami tidak injo bilang aka tahu ditipu mulihat.

Bakato injo mak Sariah manolah kite samuonjo sabalun rang balun tahu balun tabatiak tabarito urang nan lain tidak mandanga elok dibuhua dalam hati katokan Sjamsiah kamatian laki dibao pulang dituannjo usah dikatokan laki bini malu kite diurang banjak munijuang tabuah buliah dipakok muntjuang urang dipangakan mandanga kato nan bak kian galak tasanjum ibu djo bapak lapang dadonjo Bagindo Karudin sanang pikiran siti Sjamsiah.

Bakato siti Sjamsiah kalau baitu kato amak itu kato saumpamanjo kalau mambuhua usah mambuku kalau mauleh usah mangasan malu kamano disuruakkan kan io samaso itu karumah urang suok kida manjilau si upiak si Sjamsieh  sarato Bujuang Karuik banjaklah “rang tanjo batanjo tentang tampaik parantauan.

Bakato Bagindo Karudin kami marantau di Batawi malang buntuang si Sjamsiah mati lakinjo di Batawi info baranak saurang itu anaknjo dipaluak mande anak padusi ketek baru tidak maliek rupo ajah  kini mandjadi anak jatim. itulah sabab dibao pulang pulang kakampuang Pariaman mandanga kato nan bek kian  bakatolah urang nan banjak sudah huntuang takadia Allah  sakitu baru pabauran ado pulo nan batanjo urang maso suami Sjamsiah iolah bapak si upik ketek.

Mandjawab siti Sjamsiah orang Padang Lubuak Bagaluang samo marantau di Batawi  katanjo siti SJamsiah urang kampuang pitjajo sadjo tidak saurang nan tabu bahaso balaki djoadjonjo tapabini adiak kanduang mambungkuih tidak tampak mauleh tidak mangasan mambuhua tidak mambuku untuang pulo anak Sjamsiah anak ketek sirah baru batutua sabuah sabuah diadja bamamak kabapaknjo.

Halaman 43

Sadjak samulo dari Palembang hari nan tidak tabuang di gantilah rumah nan usang dibuekkan rumah nan baru rumah gadang baatok seng dinding sabalik dari papan baukia bamego mego djandjang batembok djandjang batu pintu babari tjamin katjo langkah batarali baalua alua barapo upahnjo tidak ditupang asa kahandak lai kabalaku.

Dibali pulo parak karambia tabali sawab djo ladang tabali pulo parak gadang tatabuib gadaian nan lamo lab kajo Bagindo Baka lah sanang siti Djamilah tiok bulan manjabik mande duduak djo sukatan.

Lorong kapado Bagindo Karudin injo babini ka Sungat Sirah anak gadih mande Rabiah anak kanduang Saidi Raman urang kajo suduik basunduik kalau diliek padja nantun badannjo putiah tinggi samampai awak rantjak muluik manib kasajangan urang kampuang banjak bakawan samo gadang namo hampia sanamo djo Saudah padusinjo nan mati di Palem bang hilang Saudah baganti Sadijah manuruik kaba kato urang tidak lamo antaronjo Sadijah dibao ka Palembang diantakan mande dengan bapak.

Birauari Siti Sjamsiah ado sabulan antaronjo rumah sudah injo balaki balaki djo Saidi Tamam mandjadi kapalo dalam nagari urang tapandang dalam kampuang pandai maneng. gang anak buah urang tjadiak tjandakio tahu maukua mandjangkokan kok ado silang salisiah dibao urang ka Saidi Tamam indak ado kusuik indak kasalasai tak ado karuah tak kadjaniah sanang hati Siti Sjamsiah dek pandai mak Sariah sampai mati Sariah didjago djuo kaganti mande sorang lai.

Lorong kapado Bagindo Kaba sarato bininjo Djamilah sadjak pulang anak kanduang satanglah hati sadjuak pikiran hilang rupo nan dahulu badan batambah semok mukonjo baransua djilab barasiah roman dipandangi io djuo bak kato urang

Batu sangka balantai batu
parak djua labuah basilang
badan sapantun bola lampu
kurang minjak tjahajo bilang

Halaman 44

Anak banjo dimandikan
mandi disumua pulau kidjang
bakusuak daun buah palo
sadang nak io diantikan
kok lai umua samo pandjang
dilain hari diulang pulo

Kalau ado djarum nan patah
usah dilatakkan dalam padi
latakkan sadjo dipamatang
buliah pantjukia tjukia duri
Kalau ado kato nan salah
usah dilatak dalam hati
latakan sadjo dibalakang
usah mandjadi upek pudji

Alang Lawas Padang
15 Djuli 1919

Sjamsudin
St. R. Endah

TAMMAT