Kaba Tjurito Siti Sjamsiah/Pakawinan Bagindo Karudin nan Kaduo

Pakawinan Bagindo Karudin nan Kaduo

Fasal VI

Alah sudah muko dibasuah .dituka pakaian djo nan lain pakaian banjak duo kopor bakato rang punjo rumah manolah anak kaduonjo makan lah kalian kaduonjo nasi lah masak mande tanak iruik kopi dalam tjawan kan io rang tuo nantun paibo kaurang mudo lai panjantun ka urang dagang budi baik hatinjo elok tidak ado urang batjatjek urang elok samuonjo,

Bakato Bagindo Karudin lorong kapado budi mande  sangaik elok pado rang dagang gunonjo djo apo kadibaleh mandjawab urang tuo nantun adat hiduik tolong manolong tidak maharok pambalehan hambo tidak ado beranak tidak baranak sorang djuo anak urang hambo kasihi kaganti kawan tangah rumah untuak dilawan duduak barundiang mandjawab Sutan Zainudin itu nan usah mande rusuahkan sudah takadia garak Allah kito nan hutang mandapek-i sudah djandjian sadjak dahulu lorong kapado karadjo mande apo garan pantjarian mande katonjo Sutan Zainudin mandjawab rang tuo nantun.

Lorong kapado karadjo hambo mandjadi koki tukang masak io dirumah urang kajo sabanta lai hambo badjalan pai mamasak karumah rang kajo tinggalah anak kaduonjo  usah anak badjalan sadjo disiko anak tiok malam  sangkolah rumeh mande kanduang tatapi pulo tanjo mande siapo garan namo anak apo mukasuik datang kamari bari luruih mande batanjo nak samo sanang paratian mandanga tanjo nan bakian mandjawab Bagindo Karudin ditarangkan namo dengan gala.

Sadjak barangkek dari Palembang sampai tibo di Batawi guno parintang rintang hati  ganti pahilangkan ubek rusuah pandjanglah tjarito maso itu sampai matinjo Saudah hati nan tidak elok lai mandanga tjurito Karudin ibo hati mande nantun aia mato balinang linang manolah anak Bagindo usah di turuikkan dajo setan lawan mangutjap kalimah Allah.

Sudah takadia dirahim bundo  sakitu lamo pabauran kito

Halaman 33

nan hutang mandjalani kok huntuang pambarian Allah dapek gantinjo nan elok garak Allah siapa tabu lorong pado badan mande mande tidak urang disiko samo marantau maso dahulu laki dari Minang dalam daerah oagari Solok sampai tabuek rumah nangko rumah sudah lakipun mati malang tapintak dari hambo ado sabanta antaronjo datang Sarinam dari dapua bakato kapado mamak Sariah elok mamak pai karadjo hari lah labiah tangah salapan mandanga kato si Sarinam takadjuik mamak Sariah diliek hari sudah tinggi manolah Sutan kaduonjo hambo pai bakaradjo badjalan karumah rang kajo usah anak badjalan sadjo kalau baitu kato mamak kami lamo disiko manompang djuo dirumah mamuk kan jo mak Sariah badjalan bagageh gageh balari lari andjieng hilang dimato gadih Sarinam.

Dek si upik Siti Sarinam anak angkek mak Sariah diliek rang mudo nan baduo diliek djo suduik mato mato sarupo sarauik djatuah diambiak tjipia dengan tiawan disapu sarok tangah rumah bakato Siti Sarinam usah tuan hadjalan sedjo disiko makan tangah hari buliah ditanak apo nan ado makanan kami urang misikin katonjo Siti Sarinam bakato sadang galak tasanjum balasuang pipik dipipinjo.

Kalau diliek si Sarinam giginjo sarupo dalimo rangkah kulik putiah bak hati pisang muko bulek daun padi bibia sabagai asam sauleh pipinjo pauab dilajeng kalau dipakai si Sarinam disangko gadih anak lareh bakato Sutan Zainndin.

Kalau baitu kato adiak kabaa pulo anjo lai makan ma lah kami disiko tolong buekkan gulai ajam dibari pitih duo ringgik badariang bunji ringgik gadang manolah tuan nan baduo hambiaklah pitih babaliak hambo lai bapitih manga pitih sabanjak itu takuik rasonjo kamanarimo bakato Bagindo Karudin ambiak diadiak pitih nantun kami barikan djo nan sutji lah panek tangka batangka diambiak djuo nan djadi kan io siti Sarinam disikeknjo rambuik dikapalo dipakai badak muko awak rantjak batambah rantjak babadju gabaink pendek takanak kodek kain batiak pandai bana injo mamakai apo dipakai apo rantjak disandang kambuik pai kapasa.

Lorong kapado Bagindo Karudin diliek sadjo djo suduik mato tidak pueih mato mamandang turun natak darah di adu

Halaman 34

Batang kalikih mudo mudo
dimakan sudah diparam
takilik iman didado
maliek rupo si Sarinam

Kaju kalek madang dilurah
ditareh lalu dilampaikan
hati lakek pandangan lah sudah
dimuko tidak mangasan

Kan io Bagindo Karudin sarato dengan Sutan Zainudin badjalan kian kamari masak lorong kalua lorong tokoh bagirik suok kida urang rami suruik lalu baitu djuo bendi padati iruak pikuak tangah djalan bamatjam bangso ado disanan tatjangang sadjo kaduonjo maliek rami kota Batawi bendi djo dokar silang siua ado pulo kureta lembu tjukuik djo teram kureta api.

Djalan benjak baliku liku kamano pai kamano rami rumah gadang kiri kanan tokoh Tjino balampih urang rami siang malam kadang kadang maliek komidi dibao djuo si Sarinam sampai ka Senen, Mester Konolis — Molen pelet ka Gambir — pasar malam maso itu ~ rami urang basasak sasak bamatjam matjam parmainan main tambola gambar hiduik bangsawan wajan golek lorong kapado kaduonjo bak antimun djo durian sarupo api djo rabuak kanai hati kaduonjo nan labiah siti Sarinam maliek elok laku Karudin budi baiak para-ngai elok pandai batutua sanda gurau tahu kutjindan baso ba-si maliek parangai kaduonjo.

Si Sarinam djo Karudin sudah maalum di mak Sariah urang tuo nan pa'arip alun kilek alah bakalam bulanlah sangkok tigo puluah tatapi sungguah nan bak kian pu'ang maalum kaduonjo kok mandjadi laki bini samo baruntuang kaduonjo dek elok djaludjuid mak Sariah mampatamukan kaduon o tidak taro kadisuruah alah sapakaik kaduonjo samo samo mangabek djandji samo sapakaik kaampeknjo putjuak ditjinto ulam tibo bak mandapek durian runtuah lorong kapado si Sarimam tagah dek badan urang miskin,

Kok njampang anak rang kajo alun tantu kadapek roman

Halaman 35

rantjak laku elok pandai mamasak djo manggulai tak ado tjatjek dilatakkan patuik lakinjo urang bapangkaik tatingga roman si Saudah kok mati bana si Saudah dapek gantinjo nan labiah elok patuik tadajo si Karudin lupo kapada si Saudah sanang hati Sutan Zainudin nan labiah bana mak Sariah satjang tatumpah sadjak dahulu kapado si upik si Sarinam.

Ado sapakan sudah nikah babaliak pulang ka Palembang dibao mak Sariah mak Sariah tidak tingga kek pai bana mak Sariah tidak injo marugi bana pandai manggaleh badjodjo koin sudah biaso injo manggaleh pandai maambiak hati urang.

Kan io Bagindo Kerudin dek elok pabauran rasaki batambah tambah kadaian ketek diadi gadang batokoh ampek baleh hilia musahua kajo Bagindo Karudin dek huntuang elok maso itu dapeklah injo anak parampuan buliah pamenan bapak djo mande sadjak barumah Bagindo Karudin batambah sajangojo ka Sarinam.

Birauari si Karudin limo baleh tahun marantau lah lamo kampung tingga tidak basuo djo ibu bapak io djuo bak kato urang mandjadi mamang dinan tuo salamo tinggi tabang bangau suruiknjo kakubangan djuo satinggi tingi malantiang tibonjo ditanah djuo kan io Bagindo Karudin takana bapak djo mande kampuang raso manjaru djuo.

Bakato Bagindo Karudin manolak adiak Sarinam ado niaik dalam hati handak pulang kakampuang iolah kampuang Minang Kabau taragak djo bapak mande limo baleh tahun tidak basuo antah hiduik antah mati rantau Tiino den palakan kapa dimuko kabadjalan badjalan pulang kakampuang tinggalah adiak djo mak Sariah djagolvh anak elok elok anak sorang tungga babeleng insjak Aliah lakel babaliak tidak lamo hambo dikampuang katonjo Bagindo Karudin mandanga kato nan bak kian tamanuang si Sarinam aia mato balinang linang bakato Sarinam baibo hati macolah tuan bapak kok itu tuan katokan hambo manuruik kama pai hambo namuah tingga baolah hambo pulang kakampuang awak kan lah tahu djuo bahaso hambo urang minang tatapi kampuang dak tahu bapak djo mande lupo ingek.

Halaman 36

Anak urang Koto Marapak
basuntiang bungo durian
hambo nangko dagang tatjampak
dibao buntuang. djo bahagian

Mandanga kato si Sarinam sananglah hati Bagindo Karudin, Dibari sahari nantun tidak ado duduak manggaleh gilo maucuih kadaian sadjo patuik didjua alah didjua gilo bakameh kameh sadjo dipataruabkan tokoh ka Zainudia sak lakeh pulang babaliak anak samang urang elok sangaik luruih tjadiak pulo kaki tangan Bagindo Karudin lorong kapado mak Sariah dibao djuo kakempuang tidak dilapeh kama pai disangko mande kanduang.

Tibolah masonjo hari Kamih kapa barengkek pukua tiga kapa Pasisia pai ka Medan singgah dimano palabuhan lorong kapado Bagiado Karudin sarato dengan siti Serinam barampek djo mak Sariah sadang mandukuang anak Sarinam sabalun hari pukua duo alah duduak dalam kapa takuik kaditinggakao kapa badan raso lah dikampuang babunji sirene kapatjukuik kaduo kapa badjalan dagang pulang kakampungnjo.