Kaba Tjurito Siti Sjamsiah/Marantau ka Medan

Marantau ka Medan

Fasal III

Hari Rabaa pai kapakan
io kapakan Sungai Sirah
disikolah kaba kito antikan
diliek pulo uplak Sjamslah

Kaba baraliah banjo lai sungguah barallah si nan djuo io kapado si Sjamsiah adiak kanduang si Buiuang Karuik salamo ditinggakan di Padang balapau djo Sari Aaun sadjak paningga duo putjuak dapek si Bujuang Karuik tiga tahun sampai kiai duo putjuak dapek surek mangatokan salamaik di Palembang tia lo ado maro malintang baitu bunji dalam surek sampai kini tanang sadjo tidak ado mandapek surek lah tigo tahun sampai kini kaba tidak baritopun tidak susah hati si Sjamsiah tampek batanjo tidak ado antah hiduik antah mati.

Kan io samaso itu malang tidak dapek ditulak mudjua tidak dapek dirajiah sudah takadia garak Allah pado maso di maso itu tabaka magori Kampuang Berok sampai kapasa ka Muaro api banamo sikulambai tidak tapadam padam lai sarato angin sangaik kancang api mangamuak suok kida banjak kadaian mandjadi baro tabush babunji tidak baranti lontjeng maningkah dirumah djago diago isuak pikuak maso itu tidak tasiram siram lai bunji pakiak djo tangih lah pagi hari mako usai.

Lorong kapado Sutan Pasista lapau raml samalam itu sadang basuko pupuak saluang bunji galak badarani darai bunji tapuak basorak sorai balasan suko tibo duko balasan manangih tampak api manjirah diudaro didjayokan Sari Anun sarato uplak Sjamsiah maliek urang fruak pikuak mandanga tabuah tidak baranti babunji lontjeng dalam tangsi si upik Siti Sjamsiah baduo djo Sari Anun tidak malu kamiluan di kaluakan barang sado nan dapek dilarikan katapi pasia sado nan dapek dibao djuo balari barulang ulang barabuik rabuik djo api aka tidak bilang bana huntuang djuo mago itu kalua.

Halaman 18

barang samo sakali tidak barapo barang nan tingga lah siang tjandonje hari pasa mandjadi baro kalau diliek karugian labiah salaso duo laso banjak urang dijadi misikin.

Biruari Sutan Pasisia sarato siti Sari Anun batigo djo Sjamsiah dibao barang ka Alang Laweh hati nan susah hilang aka tikak tantu kadi buek gilo bamanuang duduak sorang elok den pai marantau marantau katanah Deli ditjubo babaliak ka- rantau lamo io di Medan Deli disanan lanteh angan kalau dinanti pasa sudah antah satabun duo tahun pitih , baransua habih djuo tidak ado tukuak djo tambah dapek mufakaik djo bininjo.

Lorong kapado Sari Anun tidak info manupang dituruik sadjo kato suami ditjari hari nan baiak io katiko nan elok di- liek palangkehan nan salasai hari Kamih barisuak disanan kepalai ka Medan manompang djo kapa spi lorong kapado si Sjamsiah dibao kamano pai dikatokan anak kanduang tidak lapeh di Sari Anun ibo maliek padja nantun labiah sasajang anak kanduang sabab injo tidak baranak.

Kan io si Sjamsiah pandai pulo maambiak hati muluik manih kutjandan murah elok sagalo laku parangai patuik sajang urang nan banjak nan labiah bana Sutan Pasisia disangko anak balahan badan lah tibo dihari Kamih kapa basauah di Muaro disanan palabuhan maso dabulu Taluak Bajua dalam karangko urang sadang mangaradjokan barangkeklah kapa dari Padang manudju nagari tanah Medan kapa balajia sangaik kantjang kapa lajia maso itu angin elok ombak nio tanang tidak ado maro malintang,

Tibo dilauik pantai Atjeh disanan Ombak sangaik kantjang angin nan sangaik dareh banjak urang mabuak lauik, nan labiah bana si Sjamsiah sehari samalam tidak djago mutah sadjo tiok sabanta lapeh dari pantai Atjeh anginnjo tanang ombak salasai sampai ka Medan tanang sadjo tidak ado maro malintang kiro kiro pukua salapan mato hari paneh pagi tibolah kapa di Balawan sauah dibongka kapa baranti turunlah urang samuanjo.

Lah turun pulo Sutan Pasisia dibao barang tjiek sorang

Halaman 19

dibao kadalam bendi kureta sapi batenda kain itulah bendi maso itu alun bakudo nan bak kini si upik siti Sjamsiah maliek djuo suok kida rumah baririk ditapi labuah rami nagari kota Medan tokoh baririk suok kida banjak Tjino djo Ulando sarato rang Kaliang rang Banggali tatjangang sadjo si Sjamsiah maliek rantjak Kota Medan dek lamo lambek dalam bendi baranti bendi di Patisah.

Turunlah si Sari Anun turun injo katigonjo kopor didjen-djeng suok kida tibo dirumah papan rumah papan baatok seng rumah papan baatok seng rumah kamanakan Sutan Pasisia kamanakan saurang sadjo mandjadi mandua labuah gadang disanan tingga katigonjo ado sabanta anteronjo tibolah si Birin kamanakannjo pulang karadjo pukua satu lah sudah sapo manjapo bakato mandua Birin hambo mandanga kaba buruak nan bahaso mamak kabakaran katonjo mandua Birin mandjawab Sutan Pasisia.

Malang bana dibadan kami rumah tabaka djadi abu habih pasa dimakan api ‘banjak pulo kabakaran tidak sagadang sakali nangko data pasa dimakan api tidak dapek bakadai lai tidak lanteh angan di Padang itu sababnja kami kamari ditjubo pulo maadu huntuang salamo marasai kok njo sanang hudjan djo paneh babalasan mandanga parasain mumaknjo lintuah pikiran si Birin.

Bakatolah injo kamamaknjo usah mamak barusuah bana sakik djo sanang tidak batjarai sudah takadia garak Allah tidak dapek disasai elok disiko mamak dahulu kok lai samo dimakan kok tidak samo ditjari katonjo mandua Birin.

Ado sapakan antaronjo dapeklah lapau padjak nasi lapau ditapi pasa dibuek lapau satjaro ketek lapau kopi goreng pisang ditaruah nasi sagalo saketek — ditjubo bahemaik hemaik urang batambah tahu djuo makin sabulan makin rami ditjari kawan duo urang nan biaso balapau nasi urang Padang samo sakampuang lapau batambah gadang djuo tambahan pulo mako rami banjak rang kuli makan kasanan anak buah mandua Birin kamanakan kanduang Sutan Pasisia.

Lorong kapado Sutan Pasisia sudah biaso marantau ka

Halaman 20

Medan atjok kali dilamun ombak biaso balapau gadang elok lapaunjo dari Padang tabali pahun ringgik bukarang tabali galang ameh bapadu mamakai panitih ringgik ameh ringgik ameh sampai kapusek lah kajo al Sari Anun tiok malam lapau dibukak himpunan dagang dari minang tampek bakumpua urang Padang.

Alah satahun duo tahun lah sampai limo tahun ibarat bungo sadang kambang razaki sadang babari sudah takdir dari Allab malang tak dapek ditulak mudjua tak dapek dirajiah sakiklah Sutan Pasisia satu sakik tak djago lai tidak ado minum djo makan aia satitiak tidak lalu banjak dukun maubek-i usahkan sebat batambab laruik sakik batambah labiah djuo hilah aka si Sjamsiah nan labiah bana Sari Aoun siang malam tidak la'ok mandiago panjakik suaminjo sakik sagalo pasandian dikok tidua batiduakan kalau lalok balalok-an dukun maubek baganti ganti dituruik dukun djauah hampia tidak dipikia pitih habih apo kahandak diadokan asa panjakik lai kasanang panjakik batambah mandalam djuo tidak pandai bakato kato tulang didado elok dibilang matonjo tjakuang putjek pasi.

Anam bulan sakik pajab kan io samaso itu patang kamih malam Djum'at bakitjau murai tangah malam maramang kuduak si Sari Anun djandji sampai bilangan sudah berpulang kerah matullah sampai adjal Sutan Pasisia manangih maratok si Sari Anun sarato dengan si Sjamsiah ala mato bak maniak putuih manangih tasadu sadu bunji ratok babuah buah.

Kahilia katapi pasia
mambao anak kulik lokan
dibao kabalai Kurai Tadji
tuan den Sutan Pasisia
kami djo sia ditinggakan
tuan saurang tompangan kami

Simantuang di Parik Putuih
djaradjak ditanah taban
tak dapek kabalai lai
tampek bagantuang alah putuih
tampek bapidjak lah taban
tidak kamano manggabai lai

Halaman 21

manangih Siti Sjameiah aia mato badarai-darai bak maniak putuih pangarang tagamang raso ditinggakan tidak kamano kamangabai.

Katarok basimpang djalan
mantjari duku buah palo
tuan diarok alah badjalan
urang ditompang mati pulo

Lorong kapado urang banjak dimandikan dikapaei maik nantun dikubuakan dipusaro dagang hari nan sabari nantun ramileh urang dalam rumah mandoa mangadji tiok malam selamaik arwah nan badjalan salameik pulo nan tingga do‘a dibatjo labai Samiak maaminkan urang nan banjak.

Biranari siti Sjamsiah sadjak mati bapak angkeknjo iolah Sutan Pasisia hati nan tidak sanang lai kadang kadang manaruah tjameh tjameh tak dapek akan manompang njato awak di rantau urang kalau diliek al Sari Anun injo disangko mandeh kanduang tampek tompangan mangantuangkan patuah.

Sadjak lakinjo sudah mati balain parangai dipandangi suko mamakai makai sadjo mamakai kain baru baru sabab mambantuak bantuak diri barapo galak bagintju bibia dipakai galang duo tigo mamakai kaluang ringgik bakarang dipasang sulup tinggi tumik labiah sarupo anak gadih barapo galak geleng kapalo mudo hatinjo Sari Asun banjak nan mudo kanai hati banjak tadajo naa budjang tidak tadajo muko rantjak tadajo maliek ameh bakorang asiang sourang urang nan datang dipudjuak ditjumbui nan budjang-budjang urang budjang buajo Medan.

Sadjak batjino di Piaman
banjak Ulando babi makan
sadjak babungo dihalaman
banjak kumbang putiah kaki

Banjak Ulando di Piaman
mambali tjuko djo minjak
tidak tadajo banjak roman
tadajo diringgik banjak

Halaman 22

Satangah pulo laku nan mudo maliek rando banjak barang bak tjando maliek limau maalum injo buajo darek pandai mamikek hati urang dibao badjalan djalan apo kahandak dibalikan habih gali dek bagisia lorong kapado siti Sjamsiah maliek tingkah laku parangai laku parangai si Sari Anun suko bagaluik bagurau gurau bakadja kadja djo nan budjang tidak dikana badan tuo.

Susah hati mamikiakan ragu pikiran maso itu handak kamano akan manompang dek huntuang takadia Allah ado saurang urang tuo mantjari gadih tangguang untuk karadjo djo Ulando mandjadi babu anak injo untuak dibao ka Batawi mandanga kato rang tuo itu sananglah hati si Sjamsiah pado maliek Sari Anun elok ngiang tabang djauh laku parangai andjiang dilabuah tidak tahu taratip sopan hilang taratip elok dahulu.

Bahari bamalam tidak pulang barusuah hati duduak surang makan djo minum bahibo urang.