Jan Mangutip dari Wikipedia!/Baa kok bisa ado Wikipedia bahaso daerah? Baa tabantuaknyo? Jo apo tujuannyo?

Wikipedia bahaso daerah di Indonesia itu sacaro mudah dapek dipahami sabagai Wikipedia dalam bahaso salain bahaso Indonesia.

Wikipedia bahaso daerah patamo kali nan muncua adolah Wikipedia bahaso Jawa nan mulai dibuek tahun 2004 dek Revo Arka Giri Soekatno. Revo juo nan mulai manyuntiang Wikipedia bahaso Indonesia pado tahun 2003. Revo baanggapan kalau pangatahuan mustinyonya indak hanyo tasadio dalam bahaso Indonesia sajo, tapi musti juo tasadio dalam bahaso-bahaso daerah lain nan diucapkan di Indonesia, karano pangatahuan adolah hak satiok urang. Tabiknyo Wikipedia bahaso Jawa kamudian diikuti jo dimulainyo tabantuak Wikipedia dalam bahaso-bahaso daerah lain, saparti bahaso Sunda, bahaso Bugis, jo nan tarakhia kalua dari Incubator pado tahun 2019 adolah Wikipedia bahaso Bali.

Salain itu, urang-urang nan bajariah di Wikipedia bahaso daerah maraso juo jiko manulih di Wikipedia bahaso daerah inyo maraso salah satu caro inyo manjago bahaso daerah supayo tetap ado.