Jan Mangutip dari Wikipedia!/Apo iyo artikel di Wikipedia mamuek informasi nan alah batua?

Satiok urang nan mambaco Wikipedia musti kritis katiko mambaco maupun mancari informasi di Wikipedia. Informasi nan tercantum di Wikipedia jan lansuang ditarimo mantah-mantah.

Hal patamo nan musti sanak karajoan adolah mancaliak pado artikel itu alah ado atau alun rujuakannyo. Apobilo sanak basobok jo angko sarupo itu, sanak klik sajo, satalah itu sanak akan diarahan ka rujuakan asli- nyo nan manjadi rujuakan untuak artikel itu. Sanak dapek mambaco sumber aslinyo untuak labiah mangatahui informasi nan labih langkoknyo.

Kaduo, satalah tau rujuakan nan asli- nyo, kini cubo caliak, apo iyo rujuakan nan asli dari informasi itu alah kredibel atau indak nyo. Caliak, sabarapo baik “tingkek” rujuakan nyo itu. Rujuakan dari media sosial (medsos), blog pribadi, buku tabikan surang, tantulah bukan marupoan rujuakan nan kredibel.