Ilmu Ukua Suduik Pandang

Bayangkan rel kereta api nan panjangnyo tak hingga. Sacaro aka awak, jarak kaduo sisi rel tu santiaso samo, jadi dua sisi itu sajaja, dan indak akan pernah batamu. Tapi umpamo awak tagak di tangah rel itu, mako dalam pandangan mato awak akan tampak baahaso kaduo sisi ko ka batamu di garih ufuk. Ba'a kok pandangan awak mangicuah? Ado kah panjalehannyo sacaro matematik?

Lai! Bayangkan awak latak'an tirai di muko awak. Lukih garih luruih antaro titiak di sisi rel ka mato awak, anggap iko cahayo nan masuak ka mato awak. Paratian baso garih tadi akan manembus tirai tadi di ciek titiak. Kalau awak kumpuaan sado titiak dari sado garih cahayo nan masuak ka maro awak, akan tabantuak sarueh garih di tirai tadi, nan manjadi wujuik nyato pemandangan nan awak caliak dalam kapalo awak.