Congklak

Pamainan tradisional iko juo populer dan banyak dimainkan dek masyarakaik Betawi di zaman dahulunyo. Biasonyo pamainan iko dimainkan dek duo urang anak padusi meskipun indak manutuik kamungkinan anak laki-laki ikuik pulo bamian. Dan anak-anak yang lain nan indak ikuik bamain akan manjadi panonton nan maramian. tantu sajo iko manjadi mainan hiburan yang ditunggu sahinggo mambuek anak-anak antri karano dianggap manyanangkan pado masonyo. badasarkan lubang pado papan congklak, duo lubang labiah gadang dan ado di ujuang papan tampek akumulasi atau maituang biji atau batu nan alah dikumpuan.

Perlengkapan pamainan

Perlengkapan untuak bamain congklak , Papan congklak jo biji congklak. Permainan iko manggunoan papan kayu yang mampunyo lubang 14 sampai 16 lubang jo 2 lubang tambahan di ujuang papannyo. Pamainan congklak ko dimainan jo biji tau batu-batu ketek yang dipindahan dari ciek lubang ka lubang nan lainnyo dalam rangkaian putaran.

aturan mainnyo:

1. Siapkan papan congklak yang tadiri dari duo barih yang masiang-masiang punyo tujuah lubang ketek ciek lubang gadang di ujuang yang disabuik "rumah".
2. isi satio lubang jo 5-7 biji. Biji bisa barupo kerang, kerikil, kacang atau benda ketek lainnyo.
3. Tantuan sia pamain nan mamulai duluan jo caro suit atau caro nan disepakati.
4. Pamain yang mamulai mamiliah salah ciek lubang di sisinyo, mangambiak sadoalah biji darilubang itu, dan mamulai proses penyebaran biji tu.
5. Mulai dari lubang barikuiknyo, sebarkan biji-biji tasabuik satu per satu ka satiok lubang barikuiknyo saarah jarum jam, tamasuak "rumah" surang tetapi melewati "rumah" lawan.
6. Apobilo biji tarakhir jatuah di lubang yang masih banyak bijinyo, ambiak kasadonyo dari lubang tasabuik dan taruih sebarkan ke lubang barikuiknyo.
7. Apobilo biji tarakhia jatuah di "rumah" surang, pamain dapek giliran baliak
8. apobilo biji tarakhia jatuah di lubang nan kosong di sisi pamain dan di sisi balawanan dari lubang tasabuik ado bijinyo, pamain dapek maambiak sadoalah biji dari lubang nan balawanan tu dan masuakan ka dalam "rumah" surang.
9. pamainan barakhia katiko sadoalah lubang ketek di salah ciek sisi papan kosong, brarti indak ado lai biji nan bisa dimainkan.
10. siso biji di sisi lawan yang masih barisi biji diambiak dan dimasuakan ka "rumah" pamain yang masih mamiliki biji di lubangnyo
11. Hituang jumlah biji di "rumah" masiang-masiang pamain. Pamain jo biji tabanyak adolah pamanangnyo