Coko

Apo itu pamainan coko?

Coko atau disabuik juo Panjat Pinang atau Qiang Gu alah ado sajak Dinasti Ming. dikenal sabagai pamainan tradisonal rakyat Betawi nan barasa dari budaya Tionghoa, khususnyo di Wilayah Jakarta Selatan. Sajak zaman dahulu arti coko yang bararti parabuikan, pamainannyo disabuik demikian karano manganduang suasana patampuran.

Pamainan iko manyanangkan tatapi mambutuahan katarampilan fisik sahinggo pamainnyo harus urang alah gadang. salain basipek rekreatif, pamainan ko juo manganduang sipek kompetitif karano manuntuik kecepatan.

Pamainan coko dilakuan untuak manyambuik musim tatantu atau hari rayo tatantu demi mamariahan suasano. Panyebaran pamainan ko cukuik lueh, elok di daerah atau pinggiran kota maupun di kota gadang Jakarta. Pamainan coko alah dikenal dek warga Jakarta Selatan sajak lamo tanpa diketahui siapo yang penemu asal pamainan iko.

Namun proses pakambangannyo mangalami pasang suruik, tarutamo pado maso penduduakan japang hinggo kamardekaan, dimano pamainan coko ko sempat mangalami kamunduruan. Biasonyo banyak urang yang ikuik dalam pamainan ko jalang hari kemerdekaan.

Aturan bamain dan caro bamain

Aturan mainnyo indak ado aturan mambatehi jumlah peserta, elok perorangan ataupun kalompok. samakin banyak peserta samakin ramai acara. bateh usia untuak ikuik bamain harus nan alah baumua 17 tahun ka ateh atau urang dewasa, tatapi anak-anak dapek bapartisipasi dengan pertimbangan tinggi badan atau katarampilan lainnyo. Pamaian iko dilakuan di tanah lapang, jo pohon pinang yang alah dilumuri minyak atau oli bia licin. Di ateh pohon tadapek lingkaran yang sangajo dibuek untuak manggantuangan hadiah. dalam pamainan ko satiok pamain balomba untuak naiak ka puncak pohon pinang dan maambiak hadiah barupo macam-macam barang yang alah dikabek dan digantuangan, biasonyo hadiah utamo atau hadiah jo harago paliang gadang nan dikaja dek pemain.

Salamo patandiangan balangsuang, beberapo panonton mangibehan aia ka arah peserta untuak mambuek pohon pinang samakin licin. Untuak mangurangi licin pado batang pinang biasonyo pamain akan manggunoan abu gosok atau tali. Pamainan iko bisa balangsuang lamo apabilo hadiah-hadiahnyo yang tagantuang alah ampia habis ciek pamain hanyo buliah maambiak ciek hadiah.