Bola Gebok
apo itu bola gebok?
[suntiang | suntiang sumber]Bola Gebok marupoan pamainan tradisional rakyat Batawi, pamainan iko acok dimainan jo anak-anak sambia mangumbalo taranaknyo. kato gebok bararti tabok atau pukul karano pamain yang bisa ditangkok akan ditokok atau dilapak dengan bola. Permainan iko populer di daerah Gandaria.
Pamainan iko bisa dimainan dek anak laki-laki atau padusi, dan banyak pamain indak ditantuan. umumnyo, pamainan iko dimainkan dek anak-anak yang baumua antaro umua anam tahun sampai duo baleh tahun (6 tahun-12 tahun). Pamainan iko bisa dimainan sacaro individi atau bakalompok.
Jikok dimainkan sacaro individu main bola gebok ko bisa dimainkan jo ampek sampai limo urang pamain. Tapi kalau dimainan sacaro bakalompok minimal ado duo kalompok nan bamain . ciek kelompok minimal ado duo urang disatiok kelompok.
aturan bamain
[suntiang | suntiang sumber]Untuak bamain bola gebok ko indak diparaluan alat-alat khusus, cuma paralu bola sajo. dan bola nan digunoan buliah manggunoan bola kasti, bola karet, bola karah atau daun nan ditumpuak dan dibulekan lalu diikek jo tali atau jo bahan lain nan bisa dibantuak manjadi bola. dan main bola gebok ko harus di lapangan yang lueh karano pamain akan balari-larian manghindari lemparan bola dari kawan-kawannyo. Biasonyo anak-anak bamain bola gebok ko di lapangan olah raga atau halaman rumah nan lueh.
caro bamain
[suntiang | suntiang sumber]dalam pamainan bola gebok, ado peserta atau pamain dan wasit. pamain akan saliang balomba mamasuakan bola ka dalam lubang sajumlah 3 kali. Pamain yang indak bisa mamasuakan bola mako inyo akan manjadi sasaran gebok atau yang di lempa jo bola. Tugas wasit untuak mamastian kalau yang dilempa bola itu bagian badan nan ditantuan. karano kalau peamin yang malempa bola ka pamain lain dibagian badan nan indak bagian yang alah ditantuan, mako pamain tasabuik akan barubah jadi sasaran gebok. dan kalau pamain yang manjadi sasaran gebok bisa manjapik bola jo kaduo pahonyo, mako pamain itu bisa mamasuakan bola ka lubang pamain lain dan pamain lain yang lobangnyo dimasuakan bola gebok akan mandapek limo kali lemparan dari pamain yang sabalumnyo di gebok.