Balap Karuang

Apo itu balap karuang?

Balap karuang marupoan pamainan Tradisonal, asal pasti dari pamainan iko indak diketahui. Pado perjalanan sijarahnyo, di Sekolah-sekolah Kolonial Balando lomba karuang atau balap karuang aau pacu karuang iko biasonyo dimainkan pado hari-hari rayo tatantu. nan diadoan untuak mamparingati hari Kamardekaan 17 Agustus 1945. Alaik nan digunoan nan bisa mambungkuih badan bagian bawah, bantuak tas atau sajinihnyo, nan banyak digunoan bantuak karuang.

Pamainan iko dimainan dek anak-anak, tapi sairiang bajalannyo wakatu, urang dewasa pun suko jo pamainan ko dan ikuik pulo bamain. dek antusiasnyo masyarakat wakatu bamain iko, mako pamainan balap karuang ko dikenal dek masyarakaik sampai kini.

Balap karuang ko ado definisinyo yang diartian sabagai usaho untuak mancapai tujuan, peserta lomba acok nan mengalami berbagai kesulitan saat manjalaninyo bantuak acok tajatuah, tasanduang tapi tetap bangkik dan taruih maju untuak sampai ka tujuannyo. Hal bantuak itu nan buek masyarakat sanang mancaliaknyo.

Balap karung anak-anak

Balap karung dewasa

aturan bamain

syaraik untuak bamainnyo bakalompok dari anak-anak umua 6 sampai 12 tahun atau umua alah masuak sikolah nan bisa ikuik lomba balap karuang ko. Biasonyo nan ikuik lomba ko ado limo sampai salapan urang anak-anak dan dimainan di tanah lapang.

caro bamain

saruangan karuang ka saparo badan, sudah tu tagak sajajar di garih nan ditantuan, lalu manunggu aba-aba dari panitia, kalau sudah ado aba-aba dari panitia, biasonyo pakai peluit , mulailah balari dari garih mulai sambia malompek untuak bisa sampai ka garih finish dan mundur baliak ka tampek samulonyo lomba dimulai. kalau alah sampai di garih start gantian jo tim atau kalompok. Kalompok nan paliang capek sampai garih akhir dinyatoan sabagai pamanang.