Badomba

Apo itu pamainan badomba?

Pamainan badomba marupoan pamainan tradisonal Betawi yang manganduang unsur gaib dan sarupo halnyo pamainan jalangkung.

aturan bamain

Pamainan badomba paralu pawang dan saurang anak yang dijadian untuak manjadi "domba". Pamainan ko biasonyo di mainan di malam hari dek anak laki-laki, lokasi bamainnyo di lapangan atau halaman nan lueh.

caro bamain

badomba ko mudah, pokoknyo ado pawang surang dan ado nan manjadi domba surang, pamain yang batugas sabagai pawang duduak di tampek yang agak tinggi untuak mambedaan jo nan lain. taruih untuak pamaian nan manjadi domba duduak ditanah atau agak dibawah pawang sambia basanda ka kaki pawang atau ka badan pawang. Tugas pawang manjapik lihia "domba" sahinggo kapalo "domba" manyogok dari antaro paho pawang tadi. tugas pawang malatakan kaduo talapak tangannyo di kapalo "domba" sarayo manggoyang-goyang kapalo tu. sambia manyabuik mantra badomba-domba atau kecetol bo'ol.

lalu pamain nan lain akan baramai-ramai manyanyian syair atau mantra barulang-ulang, bantuak bamain jalangkung nan bamantra bantuak jalangkung jalangsi cubo datang kamari, jikok jalangkung alah karasukan mako tanganyo atau bagian tubuhnyo ado nan mangarik dan tajadilah dialog atau si pamain bisa bakomunikasi dan manyuruah roh nan masuak tu. baitu pulo jo bamain badomba ko wakatu anak-anak yang lain ramai-ramai maucapkan mantranyo sahinggo "domba" bangkik dan mangamuak. satalah "domba" mangamuak, mako anak-anak mambarian parintah kapado domba bantuak manyuruah malakuan gerakan apo sajo nan diminta. Domba baru baranti mangamuak bilo si pawang mamanggia namo aslinyo.