Ande-Ande Lumuik
Pado suatu hari, hiduiklah surang padusi rancak banamo Candra Kirana. Inyo punyo laki seorang putra mahkota Karajaan Jenggalo nan banamo Raden Putra. Raden Putra diusie dari Karajaan Jenggalo dek indak nio manggantian ayahnyo jadi rajo. Mako itu pado suatu hari, inyo pai tanpa mangajak bininyo. sahinggo Candra Kirana indak tahu ka mano suaminyo pai. Pado suatu hari, Candra Kirana mancari kaba suaminyo dengan manyama jadi padusi kampuang biaso. Di tangah pajalanan, inyo batamu jo surang jando kayo nan banamo Mbok Rando Karangwulusan. Lalu Mbok Rando mangangkek Candra Kirana jadi anak angkeknyo. Dek Mbok Rando, namo Candra Kirana diganti jadi Kleting Kuning. Sabana nyo, Mbok Rando alah punyo tigo urang anak padusi, yaitu Kleting Abang, Kleting Wungu, jo Kleting Biru. Kleting Kuning dianggapnyo jadi anak nan paliang ketek. Tigo urang anak Mbok Rando ko indak suko jo Kleting Kuning. Mereka salalu barbuat jahat ka inyo. Mereka iri jo kacantikan Kleting Kuning, malahan inyo dipakso mamakai baju buruak supayo nampak lusuh sarupo pambantu. Selain tu, inyo salalu manyuruah Kleting Kuning mangarajoan karajo rumah tanggo, macam manyuci baju, piriang, jo marapian rumah. Kadang-kadang, urang tu manyuruah Kleting Kuning mangarajoan karajo nan susah bana. Tubuah Kleting Kuning jadi babaun dek indak ado wakatu untuak marawik dirinyo sandiri. Tapi Kleting Kuning indak pernah mangadu jo apo nan dilakuan saudaro angkeknyo. Inyo tatap sabar jo ikhlas, dan picayo bahasonyo kasabaran nyo tu bakal mambuek hasil di kamudian hari. Manusio jo hati baiak biaso nyo memang diuji dulu. Alam ko hobi bana mambuek jalan carito macam sinetron azab. Pado suatu hari, dapek kaba bahaso di kampuang Dadapan ado surang bujang rancak nan sadang mancari calon istri. Mbok Rando manyuruah katigo anaknyo pai batamu jo bujang rancak tu. Samentaro Kleting Kuning disuruah tingga di rumah. Katigo anak Mbok Rando tu pun pai ka kampuang Dadapan jo mamakai pakaian nan paliang rancak nan inyo punyo. parjalanan ka kampuang Dadapan indaklah sanang. Urang tu harus manyubarangi batang aia gadang dahulu. Tibo-tibo, muncua dari pinggia batang aia seekor kapitiang gadang banamo Yayu Kangkang. Inyo manawari bantuan jo syarat katigo padusi tu harus nio dicium jo mancium Yayu Kangkang. Mandanga syaraik tu, katigo saudaro tu pun manarimo dek nan penting bagi urang tu bisa manyubarang batang aia tu. Manusio memang sering bana mau jalan capek, walau harga dirinyo nan digadai. Tradisi kuno nan masih awet sampai kini, cuma bungkuihnyo nan beda. Kaba tantang bujang rancak tu sampai juo ka Kleting Kuning. Inyo lalu minta izin ka Mbok Rando Karangwulusan. Tapi Mbok Rando bakato bahaso Kleting Kuning indak pantas batamu jo bujang rancak tu. Malahan Mbok Rando sampai mamberangan inyo. Tapi Kleting Kuning indak sakik hati jo kato-kato tu. Inyo tatap barasikok untuak pai batamu jo Ande-Ande Lumut. Sampai akhirnya Mbok Rando mangizinkan inyo pai. Samo jo katigo saudaro angkeknyo, Kleting Kuning juo ditawari manyubarang batang aia dek Yayu Kangkang si Kapitiang Gadang. Kleting Kuning manyanggupi syarat nan dibarian Yayu Kangkang. Tapi Kleting Kuning indak kahabisan aka. Satalah sampai di sabarang, inyo capek-capek manampelkan tahi ayam nan dibawanyo ka pipinyo. Akhirnyo Yayu Kangkang indak jadi mancium Kleting Kuning dek baunyo nan manyangek bana. Sampai di kampuang Dadapan, Kleting Kuning mandapekkan katigo kakak angkeknyo alah ditolak dek Ande-Ande Lumut. Rupanyo Ande-Ande Lumut manolak mereka dek alah dicium Yayu Kangkang. Kleting Kuning pun malanjuikkan parjalanannyo manuju Ande-Ande Lumut. Sampai di sano, Kleting Kuning batamu jo Ande-Ande Lumut. Tak disangko, Ande-Ande Lumut manyambuik kadatangan Kleting Kuning jo ramah. Mbok Rando Dadapan sampai bakato alangkah naifnyo Ande-Ande Lumut dek manolak padusi-padusi rancak tapi malah manarimo Kleting Kuning nan kumuah jo babau tu. Mandanga kato tu, Ande-Ande Lumut langsung manjawuik bahaso inyo indak buliah mancaliak urang dari luarnyo sajo. Dek inyo yakin Kleting Kuning alah manjago kahormatannyo, indak sarupo gadih-gadih lainnyo. Lalu Kleting Kuning pai minta izin untuak marasiahkan diri. Alangkah takajuiknyo Ande-Ande Lumut wakatu mancaliak Kleting Kuning alah mamakai pakaian nan elok. Tubuahnyo harum, jo kacantikannyo makin basinar. Kacantikan tu taraso indak asing dek Ande-Ande Lumut. Ande-Ande Lumut lalu bakato bahaso inyo sabananyo adalah Raden Putra, suami dari Dewi Candra Kirana. Saketiko urang-urang nan ado di situ langsung tacangang. Begitu juo jo katigo saudaro angkek Kleting Kuning. Mereka sangat takajuik wakatu tahu bahaso Kleting Kuning tu adalah Dewi Candra Kirana, sadangkan Ande-Ande Lumut adalah Raden Putra. Dewi Candra Kirana jo Raden Putra pun sangat sanang dek akhirnya batamu baliak. Kaduonyo lalu hiduik baliak sabagai suami istri sarupo maso dahulu di Istano Karajaan Jenggalo. Manang memang lambek, tapi biaso nyo datang juo. Cuma manusialah nan sering kalah sabalun akhir carito.